വയറില്‍ കുരുങ്ങി, മരത്തില്‍ തൂങ്ങിക്കിടന്ന് മണിക്കൂറുകളോളം വേദന കൊണ്ട് പുളഞ്ഞ് പുലി; ഒടുവില്‍- വീഡിയോ  

മുംബൈ: വയറില്‍ കുരുങ്ങിയതിനെ തുടര്‍ന്ന് മരത്തില്‍ തൂങ്ങിക്കിടന്ന് മണിക്കൂറുകളോളം വേദന കൊണ്ട് പുളഞ്ഞ പുലിയെ രക്ഷിച്ചു. ജനവാസകേന്ദ്രത്തില്‍ എത്തിയ പുലിയാണ് വയറില്‍ കുരുങ്ങിയത്. വിവരം അറിഞ്ഞ് സ്ഥലത്തെത്തിയ വനംവകുപ്പ് ഉദ്യോഗസ്ഥര്‍ പുലിയെ മയക്കുവെടിവെച്ച് ബോധംകെടുത്തിയ ശേഷമാണ് രക്ഷിച്ചത്.

നാസിക്കിലാണ് സംഭവം. ജനവാസകേന്ദ്രത്തില്‍ കോഴി ഫാമിന് സമീപമാണ് പുലി വയറില്‍ കുരുങ്ങിയത്. വനംവകുപ്പ് ഉദ്യോഗസ്ഥര്‍ അനിമല്‍ റെസ്‌ക്യു ആന്റ് റീഹാബിലിറ്റേഷന്‍ സെന്ററിന്റെ സഹായത്തോടെയാണ് പുലിയെ രക്ഷിച്ചത്. പുലിയെ മയക്കുവെടിവെച്ച് ബോധംകെടുത്തിയ ശേഷം വയര്‍ മുറിച്ചാണ് രക്ഷിച്ചത്. 

കാര്യമായ പരിക്കുകളില്ലാതെ പുലിയെ രക്ഷിക്കാന്‍ സാധിച്ചതായി അധികൃതര്‍ പറയുന്നു. പുലിയുടെ കാല്‍പാദത്തിലെ മുറിവ് മരുന്നുവെച്ച് കെട്ടി. തുടര്‍ന്ന് പുലിയെ കാട്ടില്‍ സുരക്ഷിതമായ സ്ഥലത്ത് തുറന്നുവിട്ടതായും അധികൃതര്‍ അറിയിച്ചു.

ഈ വാർത്ത കൂടി വായിക്കൂ 

കാലില്‍ പിടികൂടിയ മുതലയെ കണ്ണില്‍ തിരിച്ചുകടിച്ചു!; 60കാരന്‍ തലനാരിഴയ്ക്ക് രക്ഷപ്പെട്ടു

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ