'പ്രചാരണത്തിനിടയിലെ തമാശ, നന്ദി ദീദി'; മഹുവക്കൊപ്പം നൃത്തം ചെയ്ത് മമത ബാനര്‍ജി

കൊല്‍ക്കത്ത: പശ്ചിമബംഗാളിലെ നാദിയ ജില്ലയില്‍ നടന്ന തെരഞ്ഞെടുപ്പ് പ്രചാരണത്തിനിടെ മഹുവ മൊയ്ത്രയുടെ കൈകോര്‍ത്ത് പിടിച്ച് നൃത്തം ചെയ്ത് മുഖ്യമന്ത്രി മമത ബാനര്‍ജി.

പ്രചാരണത്തിനിടയിലെ ഏറ്റവും തമാശ നിറഞ്ഞ രംഗം എന്ന് പറഞ്ഞ് മഹുവ മൊയ്ത്രയാണ് വീഡിയോ എക്‌സില്‍ പങ്കുവെച്ചത്. ഒരുകൂട്ടം വനിതകള്‍ക്കൊപ്പമാണ് മമതയുടേയും മഹുവയുടേയും നൃത്തം. നന്ദി ദീദി എന്നു പറഞ്ഞാണ് മഹുവ വിഡിയോ പങ്കുവെച്ചത്. ബംഗാളി നാടന്‍ പാട്ടിന്റെ താളത്തിനൊത്തായിരുന്നു മമതയുടേയും മഹുവയുടേയും നൃത്തം.

ന്യൂനപക്ഷ വിഭാഗങ്ങളെ ഒറ്റപ്പെടുത്തുന്ന ബിജെപിയുടെ പൗരാവകാശ നിയമത്തെ പ്രചാരണത്തിനിടെ മമത രൂക്ഷമായി വിമര്‍ശിച്ചു. ഏക സിവില്‍ കോഡ് എസ്‌സി, എസ്ടി, ഒബിസി വിഭാഗങ്ങളെ അപകടത്തിലാക്കുമെന്നും മമത വിമര്‍ശിച്ചു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

കൃഷ്ണനഗര്‍ ലോക്‌സഭാ മണ്ഡലത്തില്‍ നിന്നാണ് മഹുവ ജനവിധി തേടുന്നത്. പാര്‍ലമെന്റിലെ ചോദ്യക്കോഴ വിവാദത്തില്‍ മഹുവയെ ലോക്‌സഭയില്‍ നിന്ന് കഴിഞ്ഞ വര്‍ഷം പുറത്താക്കിയിരുന്നു. എന്നാല്‍ കംഗാരു കോടതിയുടെ ഒത്തുകളിയാണിതെന്നായിരുന്നു പുറത്താക്കിയതിനെ കുറിച്ച് മഹുവയുടെ പ്രതികരണം.