മാതൃസ്‌നേഹത്തിന്റെ പ്രാധാന്യം വിളിച്ചൊതുന്ന നിരവധി ദൃശ്യങ്ങള്‍ പുറത്തുവന്നിട്ടുണ്ട്. ഇപ്പോള്‍ അമ്മയാനയുടെ പ്രവൃത്തിയാണ് കാഴ്ചക്കാരെ നൊമ്പരപ്പെടുത്തുന്നത്.

ബംഗാളിലെ ജല്‍പൈഗുരി ജില്ലയിലാണ് സംഭവം. കുട്ടിയാനയുടെ ജഡം തുമ്പിക്കൈയില്‍ വഹിച്ച് തേയിലത്തോട്ടത്തിലൂടെ റോന്ത് ചുറ്റുന്ന അമ്മയാനയുടെ ദൃശ്യങ്ങളാണ് കാഴ്ചക്കാരുടെ കണ്ണുനിറയ്ക്കുന്നത്. 

കുട്ടിയാനയുടെ ജഡം ഉയര്‍ത്താന്‍ ബുദ്ധിമുട്ടുന്നതാണ് ദൃശ്യങ്ങളുടെ തുടക്കത്തില്‍. തുടര്‍ന്ന് തുമ്പിക്കൈയില്‍ ജഡം വഹിച്ച് നടന്നുനീങ്ങുന്നതും വീഡിയോയില്‍ വ്യക്തമാണ്. 

വെള്ളിയാഴ്ചയാണ് കുട്ടിയാന ചരിഞ്ഞത്. കുട്ടിയാനയുടെ ജഡവും വഹിച്ച് അമ്മയാന തേയിലത്തോട്ടങ്ങളിലൂടെ ആനക്കൂട്ടത്തോടൊപ്പം നടന്നുനീങ്ങുന്നതാണ് ദൃശ്യങ്ങളുടെ ഉള്ളടക്കം. ആനക്കൂട്ടം ഏകദേശം ഏഴുകിലോമീറ്റര്‍ ദൂരമാണ് സഞ്ചരിച്ചത്.

ഈ വാര്‍ത്ത കൂടി വായിക്കാം 

ബ്രേക്കിന് പകരം കാല്‍ ആക്‌സിലേറ്ററില്‍, കാര്‍ കടയിലേക്ക് പാഞ്ഞുകയറി; രണ്ടുപേരെ ഇടിച്ചുതെറിപ്പിച്ചു- വീഡിയോ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ