തെരഞ്ഞെടുപ്പ് പ്രചാരണത്തിനിടെ തട്ടുകടയില്‍; ദോശ ചുട്ട് രാഹുലിന്റെ 'പാചക പരീക്ഷണം' ( വീഡിയോ)

ഹൈദരാബാദ്: തെലങ്കാനയില്‍ തെരഞ്ഞെടുപ്പ് പ്രതാരണത്തിനിടെ തട്ടുകടയില്‍ ദോശ ചുട്ട് കോണ്‍ഗ്രസ് നേതാവ് രാഹുല്‍ഗാന്ധി. തെലങ്കാനയിലെ ജഗ്തിയാല്‍ ജില്ലയിലെ പ്രചാരണത്തിനിടെയാണ് റോഡരികിലെ കടയില്‍ രാഹുല്‍ തന്റെ പാചകവൈദഗ്ധ്യം പരീക്ഷിക്കാന്‍ മുതിര്‍ന്നത്. 

'വിജയഭേരി യാത്ര'യുടെ ഭാഗമായി രാഹുല്‍ഗാന്ധി കരിംനഗറില്‍ നിന്നാണ് ജഗ്തിയാലിലേക്ക് പുറപ്പെട്ടത്. നുകപ്പള്ളി ബസ് സ്റ്റാന്‍ഡില്‍ യാത്ര നിര്‍ത്തി രാഹുല്‍ ഒരു ഭക്ഷണശാലയില്‍ പോയി ദോശ ഉണ്ടാക്കുന്ന ഒരാളുമായി ആശയവിനിമയം നടത്തി. 

ദോശയുണ്ടാക്കുന്നതിനെക്കുറിച്ച് അയാളോട് ചോദിച്ചു. തുടര്‍ന്നാണ് ദോശയുണ്ടാക്കാന്‍ രാഹുല്‍ ശ്രമം നടത്തിയത്. വഴിയാത്രക്കാരുമായി കുശലം പങ്കിട്ട രാഹുല്‍ഗാന്ധി, കുട്ടികള്‍ച്ച് ചോക്കലേറ്റുകളും നല്‍കി. 119 അംഗ തെലങ്കാന നിയമസഭയിലേക്കുള്ള തെരഞ്ഞെടുപ്പ് നവംബര്‍ 30 ന് നടക്കും.

ഈ വാര്‍ത്ത കൂടി വായിക്കൂ 

ലക്ഷദ്വീപ് എംപിയുടെ ലോക്‌സഭാംഗത്വം പുനഃസ്ഥാപിച്ചതിനെതിരെ ഹര്‍ജി: അഭിഭാഷകന് ഒരു ലക്ഷം രൂപ പിഴ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ