ന്യൂഡല്‍ഹി: ചീഫ് ജസ്റ്റിസ് ഡി വൈ ചന്ദ്രചൂഡിന്റെ ചിത്രം ഉപയോഗിച്ച് സാമൂഹ്യ മാധ്യമങ്ങളില്‍ വ്യാജ പ്രചാരണം നടക്കുന്നതായി സുപ്രീംകോടതി. ചീഫ് ജസ്റ്റിസിന്റെ പഴയ ഫോട്ടോ ഉപയോഗിച്ച് സര്‍ക്കാരിന് എതിരെ പ്രതിഷേധത്തിന് ആഹ്വാനം ചെയ്യുന്ന തരത്തിലാണ് പോസ്റ്റ് പ്രചരിക്കുന്നത്. ഇത്തരത്തിലൊരു പ്രസ്താവന ചീഫ് ജസ്റ്റിസ് നല്‍കിയിട്ടില്ലെന്ന് സുപ്രീംകോടതി പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കി. 

ചീഫ് ജസ്റ്റിസിന്റെ പഴയ ചിത്രം ഉപയോഗിച്ച്, സര്‍ക്കാരിന് എതിരെ പ്രതിഷേധിക്കാന്‍ ആഹ്വാനം ചെയ്തു എന്ന തരത്തില്‍ സാമൂഹ്യ മാധ്യമങ്ങളില്‍ പ്രചാരണം നടക്കുന്നത് സുപ്രീംകോടതിയുടെ ശ്രദ്ധയില്‍പ്പെട്ടു. ഈ പോസ്റ്റ് ദുരുദ്ദേശപരവും വ്യാജവുമാണ്. ഇത് സംബന്ധിച്ച് നിയമപാലകരുമായി ചേര്‍ന്ന നടപടി സ്വീകരിച്ചു വരികയാണെന്നും സുപ്രീംകോടതി വാര്‍ത്താ കുറിപ്പില്‍ വ്യക്തമാക്കി. 

ഈ വാര്‍ത്ത കൂടി വായിക്കൂ രണ്ടുവര്‍ഷം എഴുതിയിട്ടും നീറ്റ് കിട്ടിയില്ല; തമിഴ്‌നാട്ടില്‍ വിദ്യാര്‍ത്ഥി ആത്മഹത്യ ചെയ്തു, പിന്നാലെ പിതാവും ജീവനൊടുക്കി

 സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ