'കടകളുടെ പേരുകള്‍ നിര്‍ബന്ധമായും തമിഴില്‍ വേണം'; സര്‍ക്കുലര്‍ വരുമെന്ന് പുതുച്ചേരി മുഖ്യമന്ത്രി

പുതുച്ചേരി: പുതുച്ചേരിയില്‍ എല്ലാ കടകളുടേയും സ്ഥാപനങ്ങളുടേയും പേരുകള്‍ തമിഴ് ഭാഷയില്‍ എഴുതണമെന്ന് സര്‍ക്കുലര്‍ പുറപ്പെടുവിക്കുമെന്ന് മുഖ്യമന്ത്രി എന്‍ രംഗസ്വാമി. നിയമസഭയിലെ ശൂന്യവേളയില്‍ വിഷയം ഉന്നയിച്ച സ്വതന്ത്ര അംഗം ജി നെഹ്‌റു കുപ്പുസ്വാമിയുടെ അപേക്ഷയ്ക്ക് മറുപടിയായിട്ടാണ് മുഖ്യമന്ത്രിയുടെ പ്രസ്താവന.

ഈ വിഷയത്തില്‍ യാതൊരു വിട്ടുവീഴ്ചയും പാടില്ലെന്ന് കുപ്പുസ്വാമി നിയമസഭയില്‍ സര്‍ക്കാരിനോട് ആവശ്യപ്പെട്ടു. സര്‍ക്കാര്‍ വകുപ്പുകളുടെ ചടങ്ങുകള്‍ക്കുള്ള ക്ഷണക്കത്തുകളിലും തമിഴ്പതിപ്പുകള്‍ ഉള്‍പ്പെടുത്തണമെന്നും സര്‍ക്കാര്‍ തീരുമാനിച്ചതായി മുഖ്യമന്ത്രി പറഞ്ഞു. ''ഇത് തമിഴ് ഭാഷയോടുള്ള സ്‌നേഹവും ബഹുമാനവും കൊണ്ടാണ്'', അദ്ദേഹം കൂട്ടിച്ചേര്‍ത്തു.

'ദണ്ഡിയാത്ര പോലെ ചരിത്രത്തിലെ നാഴികക്കല്ല്'; മഹാ കുംഭമേളയെ പ്രകീര്‍ത്തിച്ച് പ്രധാനമന്ത്രി, ലോക്‌സഭയില്‍ പ്രസ്താവന

കടല്‍ക്ഷോഭം തടയുന്നതിനുള്ള നടപടികള്‍ സ്വീകരിക്കുമെന്നും ഏകദേശം 1000 കോടി രൂപ ഇതിനായി ആവശ്യമാണെന്നും പൊതുമരാമത്ത്, ഷിഫറീസ് മന്ത്രിയുമായ കെ ലക്ഷ്മിനാരായണന്‍ സഭയെ അറിയിച്ചു.