ടിക്കാറാം മീണ കോൺ​ഗ്രസിൽ 

ന്യൂഡൽഹി: കേരളത്തിന്റെ മുൻ മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ കോൺഗ്രസിൽ ചേർന്നു. കഴിഞ്ഞയാഴ്ച ഡൽഹിയിൽ വച്ചാണ് മീണ കോൺഗ്രസിൽ ചേർന്നതെന്നാണ് റിപ്പോർട്ട്. പിന്നാലെ രാജസ്ഥാൻ നിയമസഭാ തെരഞ്ഞെടുപ്പിനുള്ള 21 അംഗ മാനിഫെസ്റ്റോ കമ്മിറ്റിയുടെ കോ-കൺവീനറായി മീണയെ നിയമിച്ചു. 

ഈ വർഷം ഡിസംബറിലാണ് രാജസ്ഥാനിൽ നിയമസഭാ തെര‍ഞ്ഞെടുപ്പ്. പി സി ജോഷി ചെയർമാനും ഗൗരവ് വല്ലഭ് കൺവീനറുമായ കമ്മിറ്റിയിലെ രണ്ട്‌ കോ-കൺവീനർമാരിലൊരാളാണ് മീണ. 

രാജസ്ഥാനിലെ വനപ്രദേശത്തോട് ചേർന്നുകിടക്കുന്ന സാവായ് മധോപുരിലെ ഉൾഗ്രാമമാണ് മീണയുടെ സ്വദേശം. കർഷക കുടുംബത്തിൽ നിന്നുള്ള  മീണ 1988 സിവിൽ സർവീസ് ബാച്ച് ഉദ്യോഗസ്ഥനാണ്. 2022 ഫെബ്രുവരിയിലാണ് വിരമിച്ചത്.

ഈ വാർത്ത കൂടി വായിക്കൂ  

രാജസ്ഥാനില്‍ ബസിനു പിന്നിലേക്ക് ട്രെയ്‌ലര്‍ ഇടിച്ചുകയറി; 11 മരണം; 12 പേര്‍ക്ക് പരിക്ക്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ