പ്രതിശ്രുത വരനൊപ്പം രാത്രികറക്കത്തിനിറങ്ങി യുവതി; അജ്ഞാതന്റെ വെടിയേറ്റ് ദാരുണാന്ത്യം 

ന്യൂഡല്‍ഹി: പ്രതിശ്രുതവരനൊപ്പം കാറില്‍ കറങ്ങാനിറങ്ങിയ യുവതി അജ്ഞാതന്റെ വെടിയേറ്റ് മരിച്ചു. വ്യാഴാഴ്ച ഡല്‍ഹിക്കടുത്ത് ഗുഡ്ഗാവ് എന്ന സ്ഥലത്തുവച്ചാണ് സംഭവം. ബൈക്കിലെത്തിയ യുവാവാണ് 26കാരിയായ യുവതിക്ക് നേരെ വെടിയുതിര്‍ത്തത്. 

പൂജ ശര്‍മ്മ എന്നാണ് യുവതിയുടെ പേര്. റെസ്റ്റോറന്റില്‍ ഒന്നിച്ച് ഭക്ഷണം കഴിച്ച ശേഷമാണ് ഭാവിവരനും യുവതിയും കാറില്‍ സഞ്ചരിച്ചത്. ഇവരില്‍ നിന്ന് പണം തട്ടിയെടുക്കാന്‍ ഉള്ള ശ്രമം പരാജയപ്പെട്ടതിന് പിന്നാലെയാണ് ബൈക്കിലെത്തിയ യുവാവ് വെടിവച്ചത്. പൂജയുടെ തലയ്ക്കാണ് പരിക്കേറ്റത്.