ബംഗളൂരു: കര്‍ണാടകയില്‍ കോളജുകൾ ഒക്ടോബർ ഒന്നോടെ തുറന്നേക്കും. പുതിയ അധ്യയന വർഷം സപ്തംബർ ഒന്നോടെ ആരംഭിക്കും. ആദ്യം ക്ലാസുകള്‍ ഓണ്‍ലൈനായി പ്രവര്‍ത്തിക്കും. ഓക്ടോബര്‍ ഒന്നോടെ കോളജുകള്‍ തുറന്നുപ്രവര്‍ത്തിക്കാനാണ് ലക്ഷ്യം. വിദ്യാഭ്യാസ വകുപ്പിന്റെ ചുമതല വഹിക്കുന്ന ഉപമുഖ്യമന്ത്രി സി.എന്‍ അശ്വന്ത് നാരായണ്‍ ആണ് ഇക്കാര്യം വ്യക്തമാക്കിയത്. 

കോളജുകള്‍ ഒക്ടോബറില്‍ തുറക്കുമെന്ന് വ്യക്തമാക്കിയെങ്കിലും ഇത് സംബന്ധിച്ച് കേന്ദ്രത്തില്‍ നിന്ന് വിശദമായ മാര്‍ഗ്ഗനിര്‍ദ്ദേശങ്ങള്‍ക്കായി സംസ്ഥാനം കാത്തിരിക്കുകയാണെന്നും മന്ത്രി വ്യക്തമാക്കി.

അധ്യയന വര്‍ഷം ആരംഭിച്ചുകഴിഞ്ഞാല്‍ മുടങ്ങിക്കിടക്കുന്ന പരീക്ഷകള്‍ ഉള്‍പ്പെടെയുള്ളവ നടത്തുമെന്നും മന്ത്രി വ്യക്തമാക്കി.