ന്യൂഡല്‍ഹി: ബിജെപി ദേശീയ അധ്യക്ഷന്‍ അമിത് ഷായ്ക്കു പിന്നാലെ സംഘടനാ ജനറല്‍ സെക്രട്ടറി രാംലാലിനെയും കടുത്ത പനിയെത്തുടര്‍ന്ന് ആശുപത്രിയില്‍ പ്രവേശിപ്പിച്ചു. നോയിഡയിലെ കൈലാഷ് ആശുപത്രിയിലാണ് രാംലാലിനെ പ്രവേശിപ്പിച്ചിരിക്കുന്നത്. 

ഇന്നെലയാണ് അമിത് ഷായെ ഡല്‍ഹി എയിംസ് ആശുപത്രിയില്‍ പ്രവേശിപ്പിച്ചത്. പന്നിപ്പനി സ്ഥിരീകരിച്ചതായി അമിത് ഷാ തന്നെയാണ് അറിയിച്ചത്. അമിത് ഷായുടെ ആരോഗ്യ സ്ഥിതി മെച്ചപ്പെട്ടിട്ടുണ്ടെന്നും രണ്ടു ദിവസത്തിനകം ആശുപത്രി വിടുമെന്നും ബിജെപി നേതാക്കള്‍ അറിയിച്ചു.

ശ്വാസ സംബന്ധമായ പ്രശ്‌നങ്ങളും നെഞ്ചുവേദനയും അനുഭവപ്പെട്ടതിനെത്തുടര്‍ന്നാണ് അമിത് ഷായെ ആശുപത്രയില്‍ പ്രവേശിപ്പിച്ചത്. ധനമന്ത്രിയും മുതിര്‍ന്ന ബിജെപി നേതാവുമായ അരുണ്‍ ജെയ്റ്റ്‌ലും ചികിത്സയ്ക്കായി അമേരിക്കയിലേക്ക് പോയിരുന്നു. തൊട്ടുപിന്നാലെയാണ് പാര്‍ട്ടി അധ്യക്ഷനും ആശുപത്രിയിലായത്.