ചെന്നൈ: ഈ മാസം 19 ന് കാവേരി പ്രശ്‌നത്തില്‍ ചെന്നൈയില്‍ വിളിച്ചുചേര്‍ത്ത കര്‍ഷകരുടെ യോഗത്തില്‍ എല്ലാ രാഷ്ട്രീയ  പാര്‍ട്ടികളുടെയും  പിന്തുണ തേടി കമല്‍ഹാസന്‍. അതിന്റെ ഭാഗമായി ഡിഎംകെ നേതാവ് സ്റ്റാലിനുമായി കമല്‍ഹാസന്‍ കൂടിക്കാഴ്ച നടത്തി. കമല്‍ഹാസന് എല്ലാ പിന്തുണയും അറിയിച്ച സ്റ്റാലിന്‍ ഇക്കാര്യത്തില്‍ പാര്‍ട്ടിയുടെ  തീരുമാനം മെയ് 17ന് അറിയിക്കാമെന്നും വ്യക്തമാക്കി. 

കാവേരി ജല വിനിയോഗ ബോര്‍ഡ് രൂപീകരണം ആവശ്യപ്പെട്ട്  നടന്ന പ്രതിഷേധത്തില്‍ തമിഴ് സിനിമാ ലോകവും പങ്കെടുത്തിരുന്നു. ജനങ്ങള്‍ക്ക് ദോഷകരമായ ഒരു പദ്ധതിയും നടപ്പാക്കാന്‍ അനുവദിക്കില്ല, കാവേരി ബോര്‍ഡ് രൂപീകരിക്കാന്‍ കേന്ദ്രം തയ്യാറാകണം എന്നിവയായിരുന്നു അന്ന് തമിഴ് സിനിമാ ലോകം ആവശ്യപ്പെട്ടത്.