ഹൈദരബാദ്: തെലങ്കാനയില്‍ കോണ്‍ഗ്രസിന് മുഖ്യപ്രതിപക്ഷ പാര്‍ട്ടി പദവി നഷ്ടമായി. പാര്‍ട്ടി വിട്ട 18 എംഎല്‍എമാരില്‍ 12 പേരും ടിആര്‍എസില്‍ ചേരും. ലയനത്തിന് നിയമസഭാസ്പീക്കറുടെ അനുമതി ലഭിച്ചതോടെയാണ് കോണ്‍ഗ്രസിന് പ്രതിപക്ഷനേതൃപദവി നഷ്ടമായത്. കോണ്‍ഗ്രസിന്റെ അംഗസംഖ്യ ആറായി ചുരുങ്ങി. 

എംഎല്‍എമാരെ ടിആര്‍എസ് വിലയ്‌ക്കെടുക്കുകയാണെന്ന് കോണ്‍ഗ്രസ് വിമര്‍ശിച്ചു. നീക്കത്തെ ജനാധിപത്യപരമായി നേരിടുമെന്ന് തെലങ്കാന കോണ്‍ഗ്രസ് പ്രസിഡന്റ് എന്‍ഉത്തംകുമാര്‍ റെഡ്ഡി പറഞ്ഞു

ലോക്‌സഭാ തിരഞ്ഞെടുപ്പിലെ തോല്‍വിക്ക് പിന്നാലെ തെലങ്കാനയിലും കോണ്‍ഗ്രസിലെ പ്രതിസന്ധി രൂക്ഷമാകുകയാണ്. ആകെയുള്ള പതിനെട്ട് എംഎല്‍എമാരില്‍ പന്ത്രണ്ട് പേരും ഭരണകക്ഷിയായ ടിആര്‍എസില്‍ ലയിച്ചിരിക്കുകയാണ്.  മൂന്നില്‍ രണ്ട് ഭൂരിപക്ഷത്തോടെ എംഎല്‍എമാര്‍ പാര്‍ട്ടി വിടാന്‍ സമ്മതിച്ചതിനാല്‍ ചട്ടപ്രകാരം സ്പീക്കര്‍ക്ക് അനുമതി നല്‍കി. 

മുഖ്യമന്ത്രി കെ.ചന്ദ്രശേഖര റാവുവിന്റെ വികസന പദ്ധതികളില്‍ ആകൃഷ്ടരായാണ് പാര്‍ട്ടി മാറ്റമെന്ന് എംഎല്‍എമാര്‍ വ്യക്തമാക്കി. ഞ്ഞു.