ധുദ്‌വ ടൈഗര്‍ റിസര്‍വില്‍ കടുവകള്‍ കണ്ടാമൃഗത്തെ കൊന്നു

ഉത്തര്‍പ്രദേശ്: ഉത്തര്‍പ്രദേശിലെ ധുദ്‌വ ടൈഗര്‍ റിസര്‍വില്‍ ഒരുകൂട്ടം കടുവകള്‍ കണ്ടാമൃഗത്തെ കൊന്നു. കണ്ടാമൃഗം നാല് കടുവകളാലാണ് ആക്രമിക്കപ്പെട്ടതെന്ന് അധികൃതര്‍ അറിയിച്ചു. ഒരു കടുവക്കുടുംബത്തിലെ നാല് അംഗങ്ങള്‍ ചേര്‍ന്നാണ് ഇന്നലെ 20 വയസ് പ്രായമുള്ള കണ്ടാമൃഗത്തെ കൊന്നതെന്ന് ധുദ്‌വ ടൈഗര്‍ റിസര്‍വിന്റെ ഡപ്യൂട്ടി ഡയറക്ടര്‍ പറഞ്ഞു. കടുവക്കൂട്ടം കണ്ടാമൃഗത്തെ ആക്രമിക്കുന്നതിന്റെ ദൃശ്യങ്ങള്‍ കാട്ടില്‍ സ്ഥാപിച്ചിട്ടുള്ള ക്യാമറയില്‍ തെളിഞ്ഞിട്ടുണ്ട്.