നെഹ്‌റു കപ്പ് വള്ളംകളിയില്‍ ഗബ്രിയേല്‍ ചുണ്ടന്‍ ജലരാജാവ് പട്ടം സ്വന്തമാക്കി. അത്യധികം വാശിയേറിയ പോരാട്ടത്തില്‍ 4.22 സെക്കന്റിലാണ് ഗബ്രിയേല്‍ ചുണ്ടന്‍ നെഹ്‌റു ട്രോഫി വെള്ളികപ്പില്‍ മുത്തമിട്ടത്. നെഹ്‌റു ട്രോഫി വള്ളംകളിയിലെ കന്നി മത്സരത്തില്‍ തന്നെ കിരീടം സ്വന്തമാക്കി ഗബ്രിയേല്‍ ചുണ്ടന്‍ പുതിയ ചരിത്രം കുറിച്ചു. 

4.17.42 മിനിട്ടില്‍ ഒന്നാമതെത്തി. 4.17.72 മിനുട്ടെടുത്ത്‌ മഹാദേവിക്കാട് കാട്ടില്‍ തെക്കേതില്‍ ചുണ്ടന്‍ രണ്ടാം സ്ഥാനത്തും മൂന്നാമതും കാരിച്ചാല്‍ നാലാമതുമായി ഫിനിഷ് ചെയ്തു. 4.17.99 മിനിട്ടില്‍പായിപ്പാട് മൂന്നാമതായും 4.19.00 മിനിട്ടില്‍ കാരിച്ചാല്‍ ചുണ്ടന്‍ നാലാമതും എത്തി.

കാരിച്ചാല്‍, പായിപ്പാടന്‍ എന്നീ പേരുകേട്ട ചുണ്ടന്‍ വള്ളങ്ങളെ പിന്നിലാക്കിയാണ് ഗബ്രിയേല്‍ കറുത്ത കുതിരകളായത്. ഇതര സംസ്ഥാന തുഴച്ചില്‍കാരെ ഉള്‍പ്പെടുത്തി കുട്ടനാടിലേക്ക് ഗബ്രിയേല്‍ നെഹ്‌റു ട്രോഫി എത്തിച്ചു. എറണാകുളം തുരുത്തിപ്പുറം ബോട്ട് ക്ലബ്ബാണ് ഗബ്രിയേലിന്റെ തുഴച്ചിലുകാര്‍. ഏറെ പേരുകേട്ട കാരിച്ചാല്‍ ചുണ്ടനെ ഒരു സെക്കന്‍ഡ് പിറകിലാക്കിയാണ് ഫോട്ടോഫിനിഷില്‍ ഗബ്രിയേല്‍ പുതിയ ചരിത്രമെഴുതിയത്.