ചിറകിനടിയിൽ കുഞ്ഞുങ്ങളെ ഒതുക്കിയ തള്ളക്കോ‌ഴിയും പൂവനും; വൈഗ വരച്ച ചിത്രം ശിശുദിന സ്റ്റാമ്പിൽ
കോഴിക്കോട് ഫറൂഖ് ഗവ. ഗേള്‍സ് ഹയര്‍ സെക്കന്‍ഡറി സ്‌കൂളിലെ വി.കെ. വൈഗ വരച്ച ചിത്രമാണ് സ്റ്റാമ്പിനായി തെരഞ്ഞെടുത്തത്.
Image of Vaiga on the Children's Day stampfacebook
Edited by :ആതിര അഗസ്റ്റിന്‍
Last Updated :9 നവംബർ 2025, 3:44 pm IST
തിരുവനന്തപുരം: സംസ്ഥാന ശിശുക്ഷേമസമിതി പുറത്തിറക്കുന്ന ശിശുദിന സ്റ്റാമ്പില്‍ ഒന്‍പതാം ക്ലാസ് വിദ്യാര്‍ഥിനി വരച്ച മാതൃ-പിതൃ സ്‌നേഹക്കരുതല്‍ മുഖപടമാകും. കോഴിക്കോട് ഫറൂഖ് ഗവ. ഗേള്‍സ് ഹയര്‍ സെക്കന്‍ഡറി സ്‌കൂളിലെ വി.കെ. വൈഗ വരച്ച ചിത്രമാണ് സ്റ്റാമ്പിനായി തെരഞ്ഞെടുത്തത്.
'സനാഥബാല്യം, സംരക്ഷിതബാല്യം' എന്ന വിഷയത്തെ ആസ്പദമാക്കി സംസ്ഥാനതലത്തില്‍ നടത്തിയ ചിത്രരചനാ മത്സരത്തിലൂടെയാണ് വൈഗയുടെ ചിത്രം തിരഞ്ഞെടുത്തതെന്ന് ശിശുക്ഷേമ സമിതി ജനറല്‍ സെക്രട്ടറി ജി.എല്‍. അരുണ്‍ ഗോപി അറിയിച്ചു.
കൊത്തിപ്പറക്കാന്‍ തുനിയുന്ന കഴുകനില്‍നിന്ന് തന്റെ കുഞ്ഞുങ്ങളെ ചിറകിനുള്ളിലൊതുക്കി സംരക്ഷിക്കുന്ന തള്ളക്കോഴിയെയും എന്തിനെയും ചെറുക്കാനായി നില്‍ക്കുന്ന പൂവന്‍കോഴിയെയുമാണ് വൈഗ മനോഹരമായി വരച്ചത്. കോഴിക്കോട് ഫറൂക്ക് പെരുമുഗം നല്ലൂര്‍ വൈഗ നിവാസില്‍ ചിത്രകാരന്‍ വി കെ അനീഷിന്റെയും കോഴിക്കോട് താലൂക്ക് ലൈബ്രറി കൗണ്‍സില്‍ ജീവനക്കാരി കെ പി ഷിബിയുടെയും മകളാണ് വൈഗ.
14-ന് രാവിലെ നിശാഗന്ധി ഓഡിറ്റോറിയത്തില്‍ നടക്കുന്ന പൊതുസമ്മേളനത്തില്‍ മുഖ്യമന്ത്രി പിണറായി വിജയന്‍ ശിശുദിന സ്റ്റാമ്പിന്റെ പ്രകാശനം നിര്‍വഹിക്കും. ചടങ്ങില്‍ വൈഗയ്ക്കും ഫറോക്ക് ഗവ. ഗേള്‍സ് ഹയര്‍ സെക്കന്‍ഡറി സ്‌കൂളിനും പുരസ്‌കാരങ്ങള്‍ നല്‍കുമെന്നും ജി എല്‍ അരുണ്‍ ഗോപി അറിയിച്ചു.
News Now
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
വള്ളി നിറയെ കായ്ക്കും, പടവലം പറിച്ചു മടുക്കും; കൃഷി ചെയ്യുമ്പോള്‍ ഈ 7 കാര്യങ്ങള്‍ ശ്രദ്ധിക്കൂ
Summary
A mother hen and a rooster with their chicks under their wings; a caring image of Vaiga on the Children's Day stamp
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
