'ജീവിതത്തിലെ അനുഗ്രഹം'; എ സുരേഷ് പാണക്കാട് തങ്ങളുമായി കൂടിക്കാഴ്ച നടത്തി

മലപ്പുറം: മുസ്ലീം ലീഗ് സംസ്ഥാന അധ്യക്ഷന്‍ പാണക്കാട് സയ്യിദ് സാദിഖലി ശിഹാബ് തങ്ങളുമായി കൂടിക്കാഴ്ച നടത്തി വിഎസ് അച്യുതാനന്ദന്റെ പി എ ആയിരുന്ന എ സുരേഷ്. മലപ്പുറത്തെ പാണക്കാട്ടെ വീട്ടില്‍ എത്തിയാണ് എ സുരേഷ് സാദിഖലി തങ്ങളെ കണ്ടത്.

സന്ദര്‍ശനം ജീവിതത്തിലെ അനുഗ്രഹമായി കാണുന്നു എന്ന് സുരേഷ് കൂടിക്കാഴ്ചയ്ക്ക് ശേഷം മാധ്യമങ്ങളോട് പറഞ്ഞു. വളരെ കാലമായി ഇവിടെ വരാന്‍ ആഗ്രഹിച്ചതാണ്. സ്ഥാനാര്‍ത്ഥിത്വത്തെക്കുറിച്ച് സംസാരിക്കാന്‍ ഞാനാളല്ല. യുഡിഎഫ് നേതാക്കളെ തന്റെ നിലപാട് അറിയിച്ചിട്ടുണ്ടെന്ന് അദ്ദേഹം പറഞ്ഞു.

പാണക്കാട് തങ്ങളും സുരേഷിന്റെ കടന്നുവരവിനെ പ്രശംസിച്ചു. മലമ്പുഴയിലും സമീപ പഞ്ചായത്തുകളിലും ഇതിന്റെ പ്രതിഫലനം ഉണ്ടാകുമെന്ന് പാണക്കാട് സാദിഖലി തങ്ങള്‍പറഞ്ഞു. മഞ്ഞളാംകുഴി അലി എംഎല്‍എ, യൂത്ത് ലീഗ് നേതാവ് പികെ ഫിറോസ് എന്നിവര്‍ സുരേഷിനൊപ്പമുണ്ടായിരുന്നു.