കാട്ടാനയുടെ ആക്രമണം; കെഎസ്ഇബി ജീവനക്കാരന് പരിക്ക് 

കൊച്ചി: ഇടമലയാറില്‍ കെഎസ്ഇബി താത്കാലിക ജീവനക്കാരന് കാട്ടാനയുടെ ആക്രമണത്തില്‍ പരിക്കേറ്റു. നേര്യമംഗലം സ്വദേശി ദീപുവിനെയാണ് കാട്ടാന ആക്രമിച്ചത്. 

വീട്ടില്‍ നിന്ന് ജോലിക്കായി ഇടമലയാര്‍ ഓഫീസിലേക്ക് പോകുമ്പോള്‍ വടാട്ടുപാറയ്ക്കും ഇടമലയാറിനുമിടയില്‍ വച്ചാണ് കാട്ടാനയുടെ ആക്രമണം ഉണ്ടായത്. കുട്ടിയാനയുമായി റോഡ് മുറിച്ചു കടക്കുകയായിരുന്ന തള്ളയാനയാണ് ആക്രമിച്ചത്.