പ്ലസ് ടു ഫലം പിൻവലിച്ചെന്ന് വ്യാജ വിഡിയോ; യൂട്യൂബറായ ബിജെപി പഞ്ചായത്തം​ഗം അറസ്റ്റിൽ

തിരുവനന്തപുരം; സംസ്ഥാനത്തെ പ്ലസ് ടു ഫലം പിൻവലിച്ചതായി വിഡിയോ പകർത്തി പ്രചരിപ്പിച്ച യൂട്യൂബറായ ബിജെപി പഞ്ചായത്തം​ഗം അറസ്റ്റിൽ. കൊല്ലത്തെ ബിജെപി പഞ്ചായത്തം​ഗം നിഖിൽ മനോഹറിനെ ആണ് തിരുവനന്തപുരം കന്റോൺമെന്റ് പൊലീസ് അറസ്റ്റ് ചെയ്തത്. കൊല്ലം പോരുവഴി പഞ്ചായത്തിലെ എട്ടാം വാർഡ് മെമ്പറാണ്.

വീ കാൻ മീഡിയ എന്ന യൂട്യൂബ് ചാനലാണ് വ്യാജ വാർത്ത നൽകിയത്. കഴിഞ്ഞ ദിവസം വിദ്യാഭ്യാസ മന്ത്രി വി ശിവൻകുട്ടിയാണ് വ്യാജവാർത്തയ്ക്കെതിരെ രം​ഗത്തെത്തിയിരുന്നു. പ്ലസ് ടു ഫലം പിൻവലിച്ചെന്നും തെറ്റുപറ്റിയതായി വിദ്യാഭ്യാസ മന്ത്രി പറഞ്ഞെന്നുമാണ് വാർത്തയിലുണ്ടായിരുന്നത്.  വ്യാജ വാർത്തയിൽ  വിദ്യാഭ്യാസ വകുപ്പ് ഡിജിപിക്ക് പരാതി നൽകുകയായിരുന്നു. 

ഈ വാര്‍ത്ത കൂടി വായിക്കൂ  

പൊലീസ് ചമഞ്ഞ് അതിഥി തൊഴിലാളികളുടെ ലേബർ ക്യാമ്പിലെത്തി; ഭീഷണിപ്പെടുത്തി പണം തട്ടി ആറം​ഗസംഘം; രണ്ടുപേർ പിടിയിൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ