കനത്ത മഞ്ഞ്, കണ്ണൂരും മംഗലാപുരത്തും ഇറങ്ങേണ്ട വിമാനങ്ങൾ കൊച്ചിയിലിറക്കി 

കൊച്ചി: കാലാവസ്ഥ മോശമായതിനെ തുടർന്ന് കണ്ണൂരും മംഗലാപുരത്തും ഇറങ്ങേണ്ട രണ്ട് വിമാനങ്ങൾ നെടുമ്പാശേരിയിലിറക്കി. ദുബൈയിൽനിന്ന്​ കണ്ണൂരിൽ ഇറങ്ങേണ്ടിയിരുന്ന എയർ ഇന്ത്യാ വിമാനവും മംഗലാപുരത്ത് ഇറങ്ങേണ്ടിയിരുന്ന എയർ ഇന്ത്യ എക്സ്പ്രസ് വിമാനവുമാണ് നെടുമ്പാശ്ശേരിയിലിറങ്ങിയത്​.

കനത്ത മഞ്ഞിനെ തുടർന്നാണ് വിമാനം തിരിച്ചുവിടേണ്ടി വന്നത്. മഞ്ഞിന്റെ കാഠിന്യം കുറഞ്ഞാൽ മാത്രമേ തിരിച്ചു പോകുകയുള്ളൂ. ഉടൻ തിരിച്ചു പോകുമെന്നറിയിച്ച് യാത്രക്കാരെ വിമാനത്തിൽ തന്നെ ഇരുത്തിയിരിക്കുകയാണ്.