കാലിന് ചുറ്റും ഒട്ടിച്ച് സ്വർണമിശ്രിതം; കരിപ്പൂരിൽ 2.4 കോടിയുടെ സ്വർണം പിടികൂടി 

കരിപ്പൂർ: കോഴിക്കോട്​ വിമാനത്താവളത്തിൽ ഷാർജയിൽ നിന്നെത്തിയ നാല്​ പേരിൽ നിന്നായി 2.4 കോടിയുടെ സ്വർണം പിടികൂടി. എയർ കസ്​റ്റംസ്​ ഇൻറലിജൻസാണ്​ 5.006 കിലോഗ്രാം സ്വർണം പിടിച്ചത്​. ഡയറക്​ടറേറ്റ്​ ഓഫ്​ റവന്യൂ ഇൻറലിജൻസിൽനിന്ന്​ ലഭിച്ച വിവരത്തിന്റെ അടിസ്ഥാനത്തിലായിരുന്നു പരിശോധന.

എയർ അറേബ്യ വിമാനത്തിലെത്തിയ മലപ്പുറം സ്വദേശിയിൽനിന്ന്​ 3.36 കിലോഗ്രാം സ്വർണമിശ്രിതം​ കണ്ടെടുത്തു. ശരീരത്തിനകത്തും കാലിന്​ ചുറ്റും ഒട്ടിച്ചായിരുന്നു ഇയാൾ സ്വർണം കടത്താൻ ശ്രമിച്ചത്​. ഇതേ വിമാനത്തിലെത്തിയ കോഴിക്കോട്​ സ്വദേശിയിൽ നിന്ന്​ 501 ഗ്രാം സ്വർണമിശ്രിതവും പിടിച്ചു. കണ്ണൂർ കസ്​റ്റംസിൽനിന്ന്​ ലഭിച്ച വിവരത്തി​െൻറ അടിസ്ഥാനത്തിലായിരുന്നു ഇയാളിൽനിന്ന്​ സ്വർണം കണ്ടെത്തിയത്​. സ്വർണമിശ്രിതം ശരീരത്തിലൊളിപ്പിച്ച നിലയിലായിരുന്നു.