'നമുക്കൊരു സന്തോഷവുമില്ല, വിക്കറ്റെണ്ണി ശീലിച്ചവരോട് ചൂണ്ടിക്കാട്ടിയതേ ഉള്ളൂ'; വി ശിവൻകുട്ടി

കോൺ​ഗ്രസ് നേതാവ് എകെ ആന്റണിയുടെ മകൻ അനിൽ‌ ആന്റണിയുടെ ബിജെപി പ്രവേശനത്തിൽ കോൺ​ഗ്രസിനെ പരിഹസിച്ച് വിദ്യാഭ്യാസമന്ത്രി വി ശിവൻകുട്ടി രം​ഗത്തെത്തിയിരുന്നു. അങ്ങനെ ഒരു വിക്കറ്റ് കൂടി എന്നാണ് അദ്ദേഹം ഫെയ്സ്ബുക്കിൽ കുറിച്ചത്. എന്നാൽ ഇതിനെതിരെ ഒരു വിഭാ​ഗം രം​ഗത്തെത്തിയിരുന്നു. അപ്പോൾ വിശദീകരണവുമായി ശിവൻകുട്ടി രം​ഗത്തെത്തിയിരിക്കുകയാണ്. 

അനിൽ ആന്റണി ബിജെപിയിൽ പോയതിൽ തനിക്ക് സന്തോഷമില്ലെന്നും വിക്കറ്റെണ്ണി ശീലിച്ചവരോട് അത് ചൂണ്ടിക്കാട്ടിയതാണെന്നുമാണ് ശിവൻകുട്ടി പറഞ്ഞത്. വിക്കറ്റെണ്ണി ശീലിച്ചവരോട് അതൊന്ന് ചൂണ്ടിക്കാട്ടിയതേ ഉള്ളൂ,.. നമുക്കൊരു സന്തോഷവുമില്ല, മടുത്ത എം പിമാരെ എങ്കിലും കൂടെ നിർത്താനുള്ള പ്രവർത്തനം അവിടെ ഉണ്ടാകുന്നത് നന്നായിരിക്കും..- എന്നാണ് ശിവൻകുട്ടി കുറിച്ചത്. 

ശിവൻകുട്ടിയുടെ വിക്കറ്റ് പരിഹാസത്തിനെതിരെ വിടി ബൽറാം രം​ഗത്തെത്തിയിരുന്നു. ശിവൻകുട്ടിയുടെ പോസ്റ്റിന്റെ സ്ക്രീൻഷോട്ട് പങ്കുവച്ച്, വിക്കറ്റ് വീഴുമ്പോൾ സാധാരണ ബൗളിംഗ് ടീമിലുള്ളവരോ അവരുടെ ഫാൻസോ ആണ് ആഹ്ലാദം പ്രകടിപ്പിക്കാറുള്ളത്.- എന്നാണ് ബൽറാം കുറിച്ചത്. 

എംഎൽഎ എംഎം മണിയും പരിഹാസവുമായി എത്തിയിരുന്നു. വീണ്ടും ഒരു ഓർമ്മപ്പെടുത്തൽ...അവസാനത്തയാൾ പോകുമ്പോൾ ഓഫിസിന്റെ ഫാനും ലൈറ്റും ഓഫാക്കാൻ മറക്കരുത്. നിങ്ങളുടെ നട്ടെല്ലിന് വിലയില്ലെങ്കിലും വൈദ്യുതി അമൂല്യമാണ് പാഴാക്കരുത്- എന്നാണ് എംഎം മണി കുറിച്ചത്. 

ഈ വാര്‍ത്ത കൂടി വായിക്കൂ 

എകെ ആന്റണി എന്ന പിതാവിനോട് കാണിച്ച നിന്ദ, ഈ തീരുമാനത്തിൽ അനിൽ ആന്റണിക്ക് ദുഃഖിക്കേണ്ടി വരും; വിഡി സതീശൻ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ