ശബരിമല വെര്‍ച്വല്‍ ക്യൂ: ഹര്‍ജികള്‍ ഇന്ന് പരിഗണിക്കും
ശബരിമല അയ്യപ്പദര്‍ശനത്തിന് വെര്‍ച്വല്‍ ക്യൂ ഒഴിവാക്കണമെന്ന് തമിഴ്‌നാട്ടിലെ ഭക്തജനങ്ങളും ആവശ്യപ്പെട്ടു
ഹൈക്കോടതി /ഫയല്‍ ചിത്രം
Edited by :migrator
Last Updated :20 ജനുവരി 2024, 8:50 am IST
കൊച്ചി : ശബരിമല വെര്‍ച്വല്‍ ക്യൂ സംവിധാനവുമായി ബന്ധപ്പെട്ട ഹര്‍ജികള്‍ ഹൈക്കോടതി ഇന്ന് പരിഗണിക്കും. തിരക്ക് നിയന്ത്രിക്കാന്‍ ഏര്‍പ്പെടുത്തിയ സംവിധാനം പൊലീസില്‍ നിന്നും ഏറ്റെടുത്ത് ദേവസ്വം ബോര്‍ഡിന് കൈമാറണമെന്നാണ് ഹര്‍ജിയിലെ ആവശ്യം.
ദേവസ്വം ബോര്‍ഡിന് കൈമാറണമെന്ന് ആവശ്യപ്പെട്ട് ശബരിമല സ്‌പെഷല്‍ കമ്മീഷണര്‍ ഹൈക്കോടതിയിലെ ദേവസ്വം ബെഞ്ചിന് റിപ്പോര്‍ട്ട് നല്‍കിയിരുന്നു. വെര്‍ച്വല്‍ ക്യൂ ഏര്‍പ്പെടുത്താന്‍ 2011 ല്‍ ഹൈക്കോടതി അനുമതി നല്‍കിയിരുന്നതായി ഹര്‍ജികള്‍ പരിഗണിച്ചപ്പോള്‍ സര്‍ക്കാര്‍ അറിയിച്ചു.
വെര്‍ച്വല്‍ ക്യൂവിനെതിരെ തമിഴ്‌നാടും
അതിനിടെ, ശബരിമല അയ്യപ്പദര്‍ശനത്തിന് വെര്‍ച്വല്‍ ക്യൂ ഒഴിവാക്കണമെന്ന് തമിഴ്‌നാട്ടിലെ ഭക്തജനങ്ങളും ആവശ്യപ്പെട്ടു. ശബരിമല വികസനത്തിന് സഹായം തേടിയെത്തിയ തിരുവിതാംകൂര്‍ ദേവസ്വം ബോര്‍ഡ് പ്രതിനിധികളോടാണ് ഭക്തരും ഭക്തസംഘടനകളും സ്ഥാപനങ്ങളും ഈ ആവശ്യം ഉന്നയിച്ചത്.
വെര്‍ച്വല്‍ ക്യൂ വേണ്ടെന്ന് തെലങ്കാനയിലെ ഭക്തര്‍ നേരത്തെ ദേവസ്വം ബോര്‍ഡിനോട് ആവശ്യപ്പെട്ടിരുന്നു. പതിനെട്ടാംപടിയില്‍ വൈദ്യുതസംവിധാനത്തില്‍ പ്രവര്‍ത്തിക്കുന്ന മേല്‍ക്കൂര പണിയാന്‍ സഹായിക്കാമെന്ന് തെലങ്കാനയിലെ സ്ഥാപനങ്ങള്‍ ദേവസ്വം ബോര്‍ഡിനെ അറിയിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
പുറത്ത് മുള്ളുകൾ, ഉള്ളിൽ ഗുണങ്ങൾ; ഡ്രാഗൺ ഫ്രൂട്ട് കഴിച്ചാൽ ശരീരത്തിന് എന്ത് സംഭവിക്കും?
വന്യജീവി വരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നു വീണു: മൂന്ന് പൊലീസുകാർ ഉൾപ്പെടെ നാല് പേർക്ക് പരിക്ക്
'വിജയ് പറഞ്ഞത് കേട്ട് ഞാന്‍ കരഞ്ഞു, അവന് എന്നെ ഇഷ്ടമല്ലെന്ന് കരുതി'; തുറന്നു പറഞ്ഞ് രശ്മിക മന്ദാന
യാത്രാനിരക്കില്‍ പതിനായിരം രൂപ വരെ വര്‍ധന; ടിക്കറ്റ് ചാര്‍ജ് കുത്തനെ കൂട്ടി ഇന്‍ഡിഗോ
