വിവാഹമോചനത്തിൽ സഹായിക്കാമെന്ന് വാ​ഗ്ദാനം, വീട്ടിലെത്തി കടന്നുപിടിച്ചു; സിപിഎം നേതാവിനെതിരെ കേസ് 

‌
ആലപ്പുഴ: ലൈംഗികാതിക്രമം നടത്തിയെന്ന പരാതിയിൽ സിപിഎം പഞ്ചായത്തംഗത്തിനെതിരെ കേസെടുത്തു. ചെങ്ങന്നൂർ പുലിയൂർ പഞ്ചായത്തിലെ രണ്ടാം വാർഡ് അംഗം അമ്പാടി പ്രമോദിനെതിരെയാണു പൊലീസ് കേസെടുത്തത്. 

വിവാഹമോചനക്കേസിൽ സഹായിക്കാമെന്ന് പറഞ്ഞാണ് സമീപിച്ചതെന്ന് യുവതി പറ‍ഞ്ഞു. ജനുവരി 27നു തന്റെ വീട്ടിലെത്തിയ പ്രമോദ് കടന്നുപിടിച്ചെന്നു യുവതി മൊഴിനൽകി. തുടർന്നും മാനസികമായി പീഡിപ്പിക്കാൻ ശ്രമിച്ചതിനെത്തുടർന്നാണു പരാതി നൽകിയതെന്നും അവർ കൂട്ടിച്ചേർത്തു.