വലയിൽ കുടുങ്ങിയത് മലമ്പാമ്പ്; മത്സ്യത്തൊഴിലാളിക്ക് അരലക്ഷം രൂപയുടെ നഷ്ടം 

കൊച്ചി: മത്സ്യത്തൊഴിലാളിയുടെ വലയിൽ മലമ്പാമ്പ് കുടുങ്ങി. മലമ്പാമ്പിനെ പുറത്തെടുക്കുന്നതിനിടെ വല നശിച്ചത് വഴി മത്സ്യത്തൊഴിലാളി വിനായകന് വലിയ നഷ്ടമാണ് ഉണ്ടായത്. 

കഴിഞ്ഞദിവസം രാവിലെ അരൂരിലാണ് സംഭവം. വല ഇളകുന്നത് കണ്ട് നോക്കിയപ്പോഴാണ് പാമ്പ് കുടുങ്ങിയതായി കണ്ടത്. മലമ്പാമ്പിനെ ജീവനോടെ പുറത്തെടുക്കുന്നതിനിടെ വല പൂർണമായും നശിച്ചു.

ഏകദേശം 50,000 രൂപയുടെ നാശനഷ്ടമാണ് ഉണ്ടായത്. വനംവകുപ്പിനെ വിവരം അറിയിച്ചതിനെ തുടർന്ന് പാമ്പിനെ അധികൃതർ കൊണ്ടുപോയി.