കണ്ണീരോടെ എട്ടാം നാൾ; ഇന്ന് തിരച്ചിൽ സൺറൈസ് വാലിയിൽ, എയർ ലിഫ്റ്റ് ചെയ്യും

ക​ല്‍​പ്പ​റ്റ: വ​യ​നാ​ട് ഉ​രു​ള്‍​പൊ​ട്ട​ലി​ല്‍ കാ​ണാ​താ​യ​വ​ര്‍​ക്കാ​യു​ള്ള തിര​ച്ചി​ല്‍ ഇ​ന്നും തു​ട​രും. ഇ​ന്ന് പ്ര​ധാ​ന​പ്പെ​ട്ട ഒ​രു ആ​ക്ഷ​ന്‍ പ്ലാ​ന്‍ ന​ട​പ്പാ​ക്കാ​ന്‍ തീ​രു​മാ​നി​ച്ച​താ​യി റ​വ​ന്യു മ​ന്ത്രി കെ.​രാ​ജ​ന്‍ അ​റി​യി​ച്ചു. സൂ​ചി​പാ​റ​യി​ലെ സ​ണ്‍​റൈ​സ് വാ​ലി കേ​ന്ദ്രീ​ക​രി​ച്ചാണ് ഇന്ന് തി​ര​ച്ചി​ല്‍ ന​ട​ത്താ​ന്‍ തീ​രു​മാ​നി​ച്ചി​രി​ക്കു​ന്ന​ത്. ചാ​ലി​യാ​റി​ന്റെ ഇ​രു ക​ര​ക​ളി​ലും സ​മ​ഗ്ര​മാ​യി തി​ര​ച്ചി​ല്‍ ന​ട​ത്തി​യെ​ങ്കി​ലും ഒ​രു ചെ​റി​യ ഭാ​ഗം മ​നു​ഷ്യ​ര്‍​ക്ക് എ​ത്തി​പ്പെ​ടാ​ന്‍ ക​ഴി​യാ​ത്ത സാ​ഹ​ച​ര്യ​മു​ണ്ട്. അ​വി​ടെ​യാ​ണ് ഇ​ന്ന് തിര​ച്ചി​ല്‍ ന​ട​ത്തുക.

പ​രി​ശീ​ല​നം നേ​ടി​യ ര​ണ്ട് ഫോ​റ​സ്റ്റ് ഉ​ദ്യോ​ഗ​സ്ഥ​രും, നാ​ല് എ​സ്ഒ​ജി​യും ആ​റ് ആ​ര്‍​മി സൈ​നി​ക​രും അ​ട​ങ്ങു​ന്ന 12 പേ​ര്‍ ഇ​ന്ന് രാ​വി​ലെ എ​ട്ട് മ​ണി​ക്ക് എ​സ്‌​കെ​എം​ജെ ഗ്രൗ​ണ്ടി​ല്‍ നി​ന്ന് എ​യ​ര്‍ ലി​ഫ്റ്റി​ങ്ങി​ലൂ​ടെ സ്‌​പോ​ട്ടി​ല്‍ എ​ത്തി​ച്ചേ​രും. സ​ണ്‍​റൈ​സ് വാ​ലി​യോ​ട് ചേ​ര്‍​ന്ന് കി​ട​ക്കു​ന്ന ഇ​രു ക​ര​ക​ളി​ലും തിര​ച്ചി​ല്‍ ന​ട​ത്തും. അ​വി​ടെ നി​ന്നും മൃ​ത​ശ​രീ​ര​ങ്ങ​ള്‍ കൊ​ണ്ടു​വ​രേ​ണ്ട​ത് ഉ​ണ്ടെ​ങ്കി​ല്‍ പ്ര​ത്യേ​ക ഹെ​ലി​കോ​പ്റ്റ​ര്‍ സ​ജ്ജ​മാ​ക്കുമെന്നും മ​ന്ത്രി പ​റ​ഞ്ഞു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഉ​രു​ള്‍​പൊ​ട്ട​ല്‍ ദു​ര​ന്ത​മു​ണ്ടാ​യ വ​യ​നാ​ട്ടി​ല്‍ സൈ​ന്യം തീ​രു​മാ​നി​ക്കും വ​രെ തി​ര​ച്ചി​ല്‍ തു​ട​ര​ണ​മെ​ന്ന് മ​ന്ത്രി​സ​ഭാ ഉ​പ​സ​മി​തി തീ​രു​മാ​നി​ച്ചി​രു​ന്നു.​ അതേസമയം ഉരുള്‍പൊട്ടലില്‍ മരിച്ചവരില്‍ തിരിച്ചറിയാത്ത 30 മൃതദേഹങ്ങളും 154 ശരീരഭാഗങ്ങളും ഇന്നലെ സംസ്കരിച്ചിരുന്നു. ദുരന്തനിവാരണ നിയമമനുസരിച്ച് ഹാരിസണ്‍ മലയാളം പ്ലാന്റേഷനില്‍ കണ്ടെത്തിയ 64 സെന്റ് സ്ഥലത്തായിരുന്നു സംസ്‌കാരം. ദുരന്തത്തില്‍ ഇതുവരെ 391 പേര്‍ മരിച്ചെന്നാണു കണക്ക്.