ഓടിളക്കി വീട്ടിൽ കയറി; ​ഗ്യാസ് സിലിണ്ടർ, മോട്ടോർ, സീലിങ് ഫാൻ, ചെമ്പ് പാത്രം അടിച്ചു മാറ്റി; പിടിയിൽ

ആലപ്പുഴ: ഓടിളക്കി വീട്ടിൽ കയറി ​ഗൃഹോപകരണങ്ങൾ മോഷ്ടിച്ച സംഭവത്തിൽ യുവാവ് പിടിയിൽ. ചെങ്ങന്നൂർ പാണ്ടനാട് പടിഞ്ഞാറ് തച്ചാറയിൽ വീട്ടിൽ ബിജു ബാബു (32) ആണ് അറസ്റ്റിലായത്. വീടിന്റെ ഓടിളക്കി അകത്തു കടന്ന് ​ഗ്യാസ് സിലിണ്ടറുകൾ, മോട്ടോർ, ചെമ്പ് കുടം, സീലിങ് ഫാനുകൾ എന്നിവയാണ് മോഷ്ടിച്ചത്. പാണ്ടനാട് പറമ്പത്തൂർപടിയിലാണ് സംഭവം. വീട്ടുടമ മഹാരാഷ്ട്രയിലാണ്.

മൂന്നം​ഗ സംഘമാണ് മോഷണത്തിനു പിന്നിൽ. രണ്ടാം പ്രതിയാണ് ഇപ്പോൾ പിടിയിലായത്. മറ്റു രണ്ട് പേർക്കായുള്ള തിരച്ചിൽ പൊലീസ് ഊർജിതമാക്കി. 

അടഞ്ഞു കിടക്കുന്ന വീടുകൾ കണ്ടെത്തി, പിന്നീടു കുത്തിത്തുറന്നു സാധനങ്ങൽ മോഷ്ടിച്ച് ആക്രിക്കടയിൽ വിറ്റു പണം വാങ്ങുന്നതാണ് പ്രതികളുടെ രീതി. പ്രതിയുമായി നടത്തിയ തെളിവെടുപ്പിൽ പുലിയൂർ പാലച്ചുവട് ഭാഗത്തുള്ള ആക്രിക്കടയിൽ നിന്നു ഇയാൾ വിൽപ്പന നടത്തിയ സീലിങ് ഫാനുകളും ചെമ്പ് കലവും കണ്ടെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ഈ വാര്‍ത്ത കൂടി വായിക്കൂ 

ബന്ധുവിന് തോന്നിയ സംശയം; ജയ്‌മോന്റെ ജാഗ്രത നിര്‍ണായകമായി; നൗഷാദിനെ കണ്ടെത്തിയത് ഇങ്ങനെ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ