ബന്ധുവുമായി തര്‍ക്കം; മധ്യസ്ഥം പറയാനെത്തിയ യുവാവിനെ കരിങ്കല്ലുകൊണ്ട് തലക്കടിച്ചു

കടുത്തുരുത്തി: കോട്ടയം കടുത്തുരുത്തിയില്‍ യുവാവിനെ കൊലപ്പെടുത്താന്‍ ശ്രമിച്ച കേസില്‍ രണ്ടുപേരെ പൊലീസ് അറസ്റ്റ് ചെയ്തു. കടുത്തുരുത്തി സ്വദേശികളായ അജി, സത്യന്‍ എന്നിവരാണ് അറസ്റ്റിലായത്. ഇവരും യുവാവിന്റെ ബന്ധുവും തമ്മില്‍ ഉണ്ടായ വഴക്കിനിടയില്‍ യുവാവ് തടസ്സം പിടിച്ചതിലുള്ള വിരോധത്തിലായിരുന്നു ആക്രമണം. 

കഴിഞ്ഞദിവസം രാത്രി 9 മണിക്കാണ് കേസിനാസ്പദമായ സംഭവം. യുവാവിനെ മര്‍ദ്ദിക്കുകയും, കരിങ്കല്ലുകൊണ്ട് തലക്കടിക്കുകയുമായിരുന്നു. പരാതിയെ തുടര്‍ന്ന് കടുത്തുരുത്തി പൊലീസ് കേസ് രജിസ്റ്റര്‍ ചെയ്യുകയും തുടര്‍ന്ന് നടത്തിയ തിരച്ചിലില്‍ ഇവരെ പിടികൂടുകയുമായിരുന്നു. 

ഇരുവര്‍ക്കുമെതിരെ കടുത്തുരുത്തി സ്റ്റേഷനില്‍ ക്രിമിനല്‍ കേസ് നിലവിലുണ്ട്. കോടതിയില്‍ ഹാജരാക്കിയ രണ്ടുപേരേയും റിമാന്‍ഡ് ചെയ്തു. 

ഈ വാര്‍ത്ത കൂടി വായിക്കൂ 

ബില്‍ വിവരങ്ങളും വൈദ്യുതി തടസവും എസ്എംഎസ് ആയി അറിയാം; ചെയ്യേണ്ടത് ഇത്രമാത്രം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ