അഹമ്മദാബാദ്: കോവിഡ് സ്ഥിരീകരിച്ചതിന് പിന്നാലെ അഹമ്മദാബാദിൽ മലയാളി വീട്ടമ്മയെ ആത്മഹത്യ ചെയ്തു. മെഗാനി നഗറിൽ താമസിക്കുന്ന മിനു നായരെയാണ് ഇന്ന് ഉച്ചയോടെ മരിച്ച നിലയിൽ കണ്ടെത്തിയത്. അഹമ്മദാബാദ് സിറ്റി കോടതിയിൽ ഉദ്യോഗസ്ഥയാണ് മിനു നായർ.

കഴിഞ്ഞ കുറച്ച് ദിവസങ്ങളായി കടുത്ത പനിയുണ്ടായിരുന്നു. തുടർന്ന് കോവിഡ് പരിശോധന നടത്തുകയും ഇന്ന് രാവിലെ രോഗം സ്ഥിരീകരിക്കുകയുമായിരുന്നു.

പന്ത്രണ്ടാം ക്ലാസിൽ പഠിക്കുന്ന മകനോടൊപ്പമാണ് കഴിഞ്ഞിരുന്നത്. മകൾ വിദേശത്താണ്. മൃതശരീരം കോവിഡ് പ്രോട്ടോക്കോൾ അനുസരിച്ച് അഹമ്മദാബാദിൽ സംസ്കരിച്ചു.