ടയറ് പഞ്ചറായിട്ടുണ്ട്.., ഒന്ന് സൈഡാക്കട്ടെ..

കോഴിക്കോട്: ബസിന്റേം കാറിന്റേം മാത്രമല്ല.. വിമാനത്തിന്റെ ടയറും പഞ്ചറാവും. കരിപ്പൂര്‍ വിമാനത്താവളത്തിലാണ് സംഭവം. വിമാനത്താവളത്തിലെ റണ്‍വേയില്‍ നിന്ന് പറന്ന് ഉയരുന്നതിനിടെ ടയറുകള്‍ പൊട്ടുകയായിരുന്നു. 

എയര്‍ ഇന്ത്യയുടെ കോഴിക്കോട് ദുബായ് വിമാനത്തിന്റെ ടയറുകളാണ് പൊട്ടിയത്. ഇത് ശ്രദ്ധയില്‍പ്പെട്ട ഉടനെ പറന്നുയര്‍ന്ന വിമാനം തിരിച്ച് വിളിക്കുകയായിരുന്നു. യാത്രക്കാരെ സുരക്ഷിമായി വിമാനത്തില്‍ നിന്നും ഇറക്കി. വേറെ അപകടമൊന്നും ഉണ്ടായില്ലെങ്കിലും ഇതേതുടര്‍ന്ന് മറ്റു വിമാന സര്‍വീസുകളും വൈകുകയാണ്.