തിരുവനന്തപുരം: എന്‍ജിനിയറിങ് കോളജുകളിലെ മധ്യവേനലവധി മേയ് ഒന്നു മുതല്‍ ജൂണ്‍ 30 വരെയാക്കി സാങ്കേതിക സര്‍വകലാശാല ഉത്തരവിറക്കി. ഏപ്രില്‍, മെയ് മാസങ്ങളിലായിരുന്നു ഇതുവരെ മധ്യവേനലവധി. പരീക്ഷകള്‍ സമയബന്ധിതമായി തീര്‍ക്കുന്നതിന്റെ ഭാഗമായാണ് അവധി മാറ്റിയത്.

എന്‍ജിനിയറിങ് കോളജുകളില്‍ മാത്രമായി അവധിക്കാലം മാറ്റരുതെന്ന് ഓള്‍ കേരള ട്രേഡ് ഇന്‍സട്രക്ടേഴ്‌സ് ആന്‍ഡ് ട്രേഡ്‌സ്മാന്‍ ഓര്‍ഗനൈസേഷന്‍ ജനറല്‍ സെക്രട്ടറി ജി സൂരജ് ആവശ്യപ്പെട്ടു.