സമൂഹ മാധ്യമ ഇൻ‌ഫ്ളുവൻസറെ എട്ടുവയസുകാരിയായ മകളുടെ മുന്നിലിട്ട് വെടിവെച്ചു കൊലപ്പെടുത്തി; സ്വയം ജീവനൊടുക്കി ഭര്‍ത്താവ്

ഹവായ്:  അമേരിക്കയിലെ ഹവായിയില്‍ സമൂഹമാധ്യമ ഇൻ‌ഫ്ളുവൻസറെ മകളുടെ മുന്നിലിട്ട് കൊന്നതിനു ശേഷം ഭര്‍ത്താവ് ജീവനൊടുക്കി. 33 കാരിയായ തെരേസ ചച്ചൂലയെ ഭര്‍ത്താവ് തലയില്‍ വെടിവെച്ചാണ് കൊന്നത്. സ്വന്തം പിതാവ് തന്നെയാണ് അമ്മയെ വെടിവച്ചതെന്ന് എട്ടുവയസുകാരിയായ മകള്‍ പൊലീസിനോടു പറഞ്ഞു. 

വെള്ളിയാഴ്ച രാവിലെ പേള്‍റിഡ്ജ് സെന്ററിലെ പാര്‍ക്കിങ് ഏരിയയില്‍ വച്ചാണ് തെരേസയെ 44കാരനായ ഭര്‍ത്താവ് ജാസണ്‍ വെടിവച്ചു കൊന്നത്. വടിവെച്ചതിന് ശേഷം സംഭവ സ്ഥലത്തു നിന്ന് ജാസണ്‍ രക്ഷപ്പെട്ടു. പിന്നീടാണ് സ്വയം വെടിവെച്ചത്. 

ഏറെ നാളുകളായി ഇരുവരും അകന്നു കഴിയുകയായിരുന്നു. ഭര്‍ത്താവില്‍നിന്ന് സംരക്ഷണം വേണമെന്ന് ആവശ്യപ്പെട്ട് തെരേസ നല്‍കിയ ഹര്‍ജിയില്‍ കോടതി കഴിഞ്ഞ ദിവസം അനുകൂല വിധി പ്രസ്താവിച്ചിരുന്നു. ഇതിനു പിന്നാലെയാണ് ജാസണ്‍ ഭാര്യയെ വെടിവച്ചു കൊന്നത്.

ഈ വാർത്ത കൂടി വായിക്കൂ 

സിറിയയില്‍ ഇസ്രയേല്‍ ആക്രമണം; ഇറാന്‍ സൈനിക ഉപദേഷ്ടാവ് കൊല്ലപ്പെട്ടു; കനത്ത വില നല്‍കേണ്ടി വരുമെന്ന് ഇറാന്റെ താക്കീത്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ