കുതിച്ചെത്തി ട്രെയിന്‍, അത്ഭുതകരമായി രക്ഷപ്പെട്ട് കുട്ടികള്‍- വീഡിയോ 

ഓടുന്ന ട്രെയിനില്‍ നിന്ന് രണ്ടു കുട്ടികള്‍ അത്ഭുതകരമായി രക്ഷപ്പെടുന്ന വീഡിയോ വൈറലാകുന്നു. ട്രെയിന്‍ അരികിലെത്തിയപ്പോള്‍ ട്രാക്കില്‍ നിന്ന് പുറത്തേയ്ക്ക് ചാടിയാണ് കുട്ടികള്‍ രക്ഷപ്പെട്ടത്.

കാനഡയിലെ ടൊറോന്റോയില്‍ നിന്നുള്ളതാണ് ദൃശ്യങ്ങള്‍. ട്രാക്കിലൂടെ നടക്കുന്നതിന്റെ അപകടസാധ്യത ഒരിക്കല്‍ കൂടി ഓര്‍മ്മിപ്പിക്കുന്നതാണ് വീഡിയോ. 

 ഹബര്‍ നദിക്ക് കുറുകെയുള്ള  റെയില്‍വേ പാലത്തില്‍ മെയ് 20നാണ് സംഭവം. അതിവേഗം പാഞ്ഞുവരികയാണ് ട്രെയിന്‍. ഈസമയത്ത് ട്രാക്കിലൂടെ ഓടുകയാണ് കുട്ടികള്‍. ട്രെയിന്‍ തൊട്ടരികില്‍ എത്തിയപ്പോള്‍ ട്രാക്കില്‍ നിന്ന് പുറത്തേയ്ക്ക് ചാടി ആണ്‍കുട്ടി അത്ഭുതകരമായി രക്ഷപ്പെടുന്നതാണ് വീഡിയോയുടെ ഉള്ളടക്കം. ഇതേസമയം മറ്റൊരു ട്രാക്കിലേക്ക് ചാടി രണ്ടാമത്തെ കുട്ടി രക്ഷപ്പെടുന്നതും വീഡിയോയില്‍ വ്യക്തമാണ്.

ഈ വാർത്ത കൂടി വായിക്കാം 

പുടിന് ആയുസ് മൂന്ന് വര്‍ഷം കൂടി മാത്രം; പതുക്കെ പതുക്കെ അന്ധനാകുകയാണെന്ന് റഷ്യന്‍ ഇന്റലിജന്‍സ് ഓഫീസര്‍

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ