ബഹറൈനിലെ പ്രവാസികൾക്ക് സന്തോഷവാർത്ത; കോവിഡ് വാക്സിൻ സൗജന്യമായി നൽകും 

മനാമ: പ്ര‌വാസികളടക്കം എല്ലാ ബഹ്‌റൈൻ സ്വദേശികള്‍ക്കും കോവിഡ് വാക്‌സിന്‍ സൗജന്യമായി നല്‍കും. 18 വയസ്സിന് മുകളിൽ പ്രായമുള്ളവർക്കാണ് വാക്‌സിന്‍ ലഭ്യമാക്കുക. ബഹ്റൈൻ രാജാവ് സല്‍മാന്‍ ബിന്‍ ഹമദ് ആല്‍ ഖലീഫയാണ് ഇക്കാര്യം അറിയിച്ചത്.

രാജ്യത്തെ എല്ലാവരുടെയും ആരോഗ്യസുരക്ഷ ഉറപ്പാക്കാന്‍ പ്രതിജ്ഞാബദ്ധമാണെന്ന് സല്‍മാന്‍ ബിന്‍ ഹമദ് ആല്‍ ഖലീഫ പറഞ്ഞു. വ്യാഴാഴ്ച നടന്ന ഏകോപന സമിതി യോഗത്തിന് ശേഷമാണ് അദ്ദേഹം വിവരങ്ങൾ പങ്കുവച്ചത്. രാജ്യത്തെ 27 മെഡിക്കല്‍ സെന്‍ററുകള്‍ വഴി ദിവസേന 5,000-10,000 വാക്‌സിന്‍ വിതരണം ചെയ്യും.