കൊത്താന്‍ ഓങ്ങി പെരുമ്പാമ്പ്; കഷ്ടിച്ച് രക്ഷപ്പെട്ട് മൃഗശാല ജീവനക്കാരന്‍- വീഡിയോ 

മൃഗശാലയിലെ ജീവനക്കാരനെ പെരുമ്പാമ്പ് ആക്രമിക്കാന്‍ ശ്രമിക്കുന്നതിന്റെ ദൃശ്യങ്ങള്‍ വൈറലാകുന്നു. കാലിഫോര്‍ണിയയില്‍ നിന്നുള്ളതാണ് ദൃശ്യങ്ങള്‍.

കാലിഫോര്‍ണിയയിലെ മൃഗശാലയുടെ സ്ഥാപകന്‍ ജയ് ബ്രൂവറാണ് വീഡിയോ പങ്കുവെച്ചത്. പെരുമ്പാമ്പ് മൃഗശാലയിലെ ജീവനക്കാരനെ കൊത്താന്‍ ശ്രമിക്കുന്നതാണ് വീഡിയോയുടെ ഉള്ളടക്കം. 

ബോക്‌സില്‍ കിടക്കുന്ന പെരുമ്പാമ്പാണ് മൃഗശാല ജീവനക്കാരനെ ആക്രമിക്കാന്‍ മുതിര്‍ന്നത്. അനങ്ങാതെ കിടന്ന പെരുമ്പാമ്പ് മൃഗശാല ജീവനക്കാരനെ കണ്ടതോടെ, ഞൊടിയിടയില്‍ കൊത്താന്‍ ഓങ്ങുന്നതാണ് വീഡിയോയിലുള്ളത്. പാമ്പിന്റെ ആക്രമണത്തില്‍ നിന്ന് മൃഗശാല ജീവനക്കാരന്‍ വിദഗ്ധമായി ഒഴിഞ്ഞുമാറുന്നതും വീഡിയോയില്‍ വ്യക്തമാണ്.