സിംബാബ് വെയില്‍ വൻ ബോട്ടപകടം; 44 മരണം

ഹരാരെ: സിംബാബ്വെയിലുണ്ടായ ബോട്ടപകടത്തില്‍ 44 പേര്‍ മരിച്ചു. കരീബ തടാകത്തിലാണ് അപകടം. കനത്ത കാറ്റിലും മഴയിലുമാണ് അപകടമുണ്ടായത്. അമിതഭാരമാണ് അപകടത്തിന് ഇരയാക്കിയതെന്ന് റിപ്പോര്‍ട്ടുകളുണ്ട്.

സിംബാബ് വെ റൂറല്‍ ഇന്‍ഫ്രാസട്രക്ചര്‍ ഡെവലപ്പ്‌മെന്റ് ഏജന്‍സിയുടേതാണ് ബോട്ട്. 90 ഓളം പേരെ വഹിക്കാന്‍ ശേഷിയുള്ള ബോട്ടില്‍ 120 ഓളം പേരുണ്ടായിരുന്നതായാണ് റിപ്പോര്‍ട്ടുകള്‍. 77 പേരെ രക്ഷപ്പെടുത്തിയതായി നാഷണല്‍ ഡിസാസ്റ്റര്‍ മാനേജ്‌മെന്റ് ഏജന്‍സി അറിയിച്ചു.

രക്ഷാപ്രവര്‍ത്തനങ്ങള്‍ പുരോഗമിക്കുകയാണെന്ന് സിംബാബ്വെയുടെ ദേശീയ പൊലീസ് സേന അറിയിച്ചു. രക്ഷാപ്രവര്‍ത്തനത്തില്‍ സൈന്യവും പങ്കാളികളായിട്ടുണ്ട്. സാംബിയ തീരത്തോട് ചേര്‍ന്നാണ് കരീബ തടാകം സ്ഥിതിചെയ്യുന്നത്.