വല തുപ്പി ഇര പിടിക്കുന്ന 'സ്‌പൈഡര്‍മാന്‍'; വിചിത്ര ജീവിക്ക് 'രക്തദാഹി ഇമേജ്'; നടുക്കുന്ന വീഡിയോ 

വല വിരിച്ച് ശത്രുക്കളെ പിടികൂടുന്ന സ്‌പൈഡര്‍മാന്‍ സിനിമയിലെ രംഗങ്ങള്‍ കാഴ്ചക്കാർ ഏറെ ആസ്വദിച്ചിട്ടുണ്ട്. ഇപ്പോള്‍ സമാനമായ നിലയില്‍ വല തുപ്പി ഇര പിടിക്കുന്ന വിചിത്ര ജീവിയുടെ ദൃശ്യങ്ങളാണ് വൈറലാകുന്നത്. ഒരേയൊരു വ്യത്യാസമേ, ഇവ തമ്മില്‍ ഉള്ളൂ. സ്‌പൈഡര്‍മാന്‍ പരോപകാരത്തിനാണെങ്കില്‍ ഈ ചെറുവിര വല തുപ്പുന്നത് ഇരതേടാന്‍ വേണ്ടിയാണെന്ന് മാത്രം. 

ഓഡ്ലി ടെറിഫൈയിങ് എന്ന ട്വിറ്റര്‍ പേജിലാണ് വിചിത്ര വിരയുടെ ദൃശ്യം പങ്കുവച്ചത്.ചുവന്ന വിരയും ഇരതേടാനായി അതു സ്വീകരിക്കുന്ന വ്യത്യസ്തമായ മാര്‍ഗവുമാണ് വീഡിയോയെ ശ്രദ്ധേയമാക്കുന്നത്. മറൈന്‍ റിബണ്‍ വേം ഇനത്തില്‍പ്പെടുന്നതാണ് ഈ ജീവി. മനുഷ്യരിലെ ശ്വാസകോശത്തിനു സമാനമായ ഒരു അവയവമാണ് ഇവയുടെ വല തുപ്പലിനു പിന്നിലെന്നാണ് നോര്‍ത്ത് കാരോലൈന യൂണിവേഴ്‌സിറ്റിയിലെ ഗവേഷകര്‍ പറയുന്നത്.

ഇരയുടെ സാമീപ്യമറിയുമ്പോള്‍ ഈ വിരയുടെ ഉള്ളില്‍ നടക്കുന്ന ചില ശാരീരിക പ്രക്രിയകളുടെ ഭാഗമാണ് ഈ വല തുപ്പല്‍.  വളരെ കുറച്ച് നിമിഷങ്ങള്‍ മാത്രമേ വെളുത്ത വല ശരീരത്തില്‍ നിന്ന് വെളിയില്‍ വരുകയുള്ളൂ. ഇരയെ കിട്ടിക്കഴിഞ്ഞാല്‍ ഇവ സ്വയം തന്നെ ശരീരത്തിനുള്ളിലേക്ക് വലിഞ്ഞുപൊയ്‌ക്കൊള്ളും. ഇരകള്‍ ആ ഉറയില്‍പെട്ട് വിരയുടെ വയറ്റിലെത്തുകയാണ് ചെയ്യുന്നതെന്നാണ് അവരുടെ വിശദീകരണം.

ഈ വാര്‍ത്ത കൂടി വായിക്കൂ

മലയിലെ 'പ്രേതം', ഇരയുമായി മലയുടെ മുകളില്‍ നിന്ന് പാറക്കൂട്ടത്തിലേക്ക്; നിവര്‍ന്ന് നിന്ന് ഹിമപ്പുലി- വീഡിയോ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ