'തലയ്ക്ക് ഒന്നരക്കോടി ഡോളര്‍ ഇനാം'; ലഹരിമരുന്ന് മാഫിയ തലവന്‍ മെന്‍ചോ ഒസെഗുവേരയെ വധിച്ചു
സൈന്യവുമായുണ്ടായ ഏറ്റുമുട്ടലില്‍ പരിക്കേല്‍ക്കുകയായിരുന്നു.
Nemesio Oseguera the leader of Mexico's powerful Jalisco New Generation Cartel X
Edited by :ആതിര അഗസ്റ്റിന്‍
Last Updated :23 ഫെബ്രുവരി 2026, 1:40 pm IST
മെക്‌സിക്കോ സിറ്റി: മെക്‌സിക്കന്‍ ലഹരിമരുന്ന് മാഫിയ തലവന്‍ നെമെസിയോ എല്‍ മെന്‍ചോ ഒസെഗുവേരയെ (59) വധിച്ചതായി മെക്‌സിക്കന്‍ സൈന്യം. പ്രസ്താവനയിലൂടെയാണ് ഇക്കാര്യം അറിയിച്ചത്. സൈന്യവുമായുണ്ടായ ഏറ്റുമുട്ടലില്‍ പരിക്കേല്‍ക്കുകയായിരുന്നു.
WHAT TO READ NEXT
നേപ്പാളില്‍ ബസ് നദിയിലേക്ക് മറിഞ്ഞു; 18 മരണം; 27 പേര്‍ക്ക് പരിക്ക്
മെക്‌സിക്കോ സിറ്റിയിലേക്ക് വിമാനമാര്‍ഗം കൊണ്ടുപോകുന്നതിനിടെയാണ് മരിച്ചതെന്നാണ് സൈന്യം വ്യക്തമാക്കിയിരിക്കുന്നത്. ഇയാളെ പിടികൂടാന്‍ സഹായിക്കുന്നവര്‍ക്ക് അമേരിക്ക 1.5 കോടി ഡോളര്‍ പാരിതോഷികം പ്രഖ്യാപിച്ചിരുന്നു.
സൈനിക നടപടിയില്‍ പ്രകോപിതരായ ലഹരി മാഫിയ സംഘം പശ്ചിമ ഹാലിസ്‌കോയിലെ ഇരുപതിലധികം റോഡുകള്‍ കാറുകളും ട്രക്കുകളും കത്തിച്ച് തടഞ്ഞു. അക്രമം മറ്റ് സംസ്ഥാനങ്ങളിലേക്കും വ്യാപിച്ചു. പൗരന്മാര്‍ ശാന്തരായിരിക്കണമെന്ന് മെക്‌സിക്കന്‍ പ്രസിഡന്റ് ക്ലാഡിയ ഷെയ്ന്‍ബോം അഭ്യര്‍ഥിച്ചു.
WHAT TO READ NEXT
മോസ്‌കോയില്‍ ഡ്രോണ് ആക്രമണം; വിമാനത്താവളങ്ങള്‍ അടച്ചു
സിനലോവ കാര്‍ട്ടല്‍ സ്ഥാപകരായ ജോക്വിന്‍ 'എല്‍ ചാപ്പോ' ഗുസ്മാന്‍, ഇസ്മായേല്‍ സാംബാഡ എന്നിവരുടെ അറസ്റ്റിന് ശേഷം കൊല്ലപ്പെടുന്ന ഏറ്റവും വലിയ ലഹരിമരുന്ന് രാജാവാണ് ഒസെഗുവേര. ഒസെഗുവേരയെ കൂടാതെ ആറ് അക്രമികള്‍ കൊല്ലപ്പെടുകയും മൂന്ന് സൈനികര്‍ക്ക് പരുക്കേല്‍ക്കുകയും ചെയ്തു. റോക്കറ്റ് ലോഞ്ചറുകള്‍ ഉള്‍പ്പെടെയുള്ള മാരകായുധങ്ങള്‍ സൈന്യം പിടിച്ചെടുത്തു.
തലസ്ഥാനമായ ഗ്വാഡലഹാരയിലെ തെരുവുകള്‍ വിജനമാണ്. കടകളും പെട്രോള്‍ പമ്പുകളും ഉള്‍പ്പെടെ എല്ലാം അടഞ്ഞുകിടക്കുകയാണ്. അമേരിക്കന്‍ രഹസ്യാന്വേഷണ ഏജന്‍സികളുടെ സഹായത്തോടെയാണ് ദൗത്യം നടപ്പിലാക്കിയത്. ഒസെഗുവേരയെ ഏറ്റവും ക്രൂരനായ ലഹരിമരുന്ന് രാജാവ് എന്ന് വിശേഷിപ്പിച്ചിരുന്നു. ഒസെഗുവേരയുടെ വധം അമേരിക്കന്‍ അധികൃതര്‍ സ്വാഗതം ചെയ്തു.
News Now
മുഖ്യമന്ത്രിക്കെതിരെ പരാതിയുമായി അടൂര്‍ പ്രകാശ് ഹൈക്കമാന്‍ഡിന് മുന്നില്‍; ഖാര്‍ഗെയുമായി കൂടിക്കാഴ്ച നടത്തി
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
Summary
Nemesio Oseguera the leader of Mexico's powerful Jalisco New Generation Cartel (CJNG), has been killed
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
