ചിലന്തി വലയില്‍ തൂങ്ങി കിടക്കുന്ന പാമ്പ്, 'ജയ ഭാവത്തില്‍'  എട്ടുകാലി  (വീഡിയോ)

ചിലന്തി വലയില്‍ പ്രാണികള്‍ കുടുങ്ങുന്നത് കണ്ടിട്ടുണ്ട്. എന്നാല്‍ പാമ്പ് കുടുങ്ങി എന്ന് കേട്ടാലോ,ആശ്ചര്യപ്പെട്ടില്ലെങ്കിലേ അത്ഭുതമുള്ളൂ. ഇത്തരത്തിലുള്ള ഒരു വീഡിയോയാണ് ഇപ്പോള്‍ വ്യാപകമായി പ്രചരിക്കുന്നത്.

കെഎഫ്‌സി റേഡിയോ എന്ന ട്വിറ്റര്‍  ഹാന്‍ഡിലിലാണ് വീഡിയോ  പങ്കുവെച്ചത്. ചിലന്തി  വലയില്‍ പാമ്പ് കുടുങ്ങി കിടക്കുന്നതാണ് വീഡിയോയില്‍ ഉള്ളത്. ചിലന്തി പാമ്പിന്റെ മുകളില്‍ നില്‍ക്കുന്നതും വീഡിയോയില്‍ വ്യക്തമാണ്. എങ്ങനെയാണ് ഇത് സംഭവിച്ചതെന്ന് വ്യക്തമല്ല.

ഒരു വാഹനത്തിന്റെ ടയറിനോട് ചേര്‍ന്നാണ് ചിലന്തി വല. ഇതില്‍ പാമ്പ് കുടുങ്ങി കിടക്കുന്നതാണ് വീഡിയോയില്‍ വ്യക്തമാകുന്നത്.