അഞ്ച് ഭാര്യമാരും ​ഗർഭിണികൾ; എല്ലാവർക്കും ഒന്നിച്ച് 'ബേബി ഷവർ' നടത്തി യുവാവ്

അഞ്ച് ഭാര്യമാരുടെയും ബേബി ഷവർ ഒന്നിച്ച് നടത്തി യുവാവ്. ന്യൂയോർക്ക് സ്വദേശിയായ സെഡി വിൽ എന്ന 22കാരനാണ് തന്റെ ​ഗർഭിണിമാരായ ഭാര്യമാരുടെ ബേബി ഷവർ വ്യത്യസ്തമാക്കിയത്. സെഡിയുടെ ഭാര്യമാരിലൊരാളായ ലിസി ആഷ്​ലി ടിക് ടോക്കിലൂടെയാണ് ഇക്കാര്യം അറിയിച്ചത്. ക്വീൻസിൽ വച്ച് സംഘടിപ്പിച്ച പാർട്ടിയിൽ നിരവധി ആളുകളാണ് പങ്കെടുത്തത്. 

വിഡിയോയിൽ ബോണി ബി, കെയ് മെറി, ജൈലിൻ വില, ലൈൻല കലിഫ ഗല്ലേറ്റി എന്നിവരാണ് തനിക്കൊപ്പമുള്ളതെന്നും മറ്റ് ഗർഭിണികളെ ആഷ്​ലി പരിചയപ്പെടുത്തുന്നുണ്ട്. ഞങ്ങളുടെ സുന്ദരമായ കുടുംബം എന്നും സെഡിക്കൊപ്പമുള്ള ചിത്രം പങ്കുവച്ച് ആഷ്​ലി കുറിച്ചു. ജനിക്കാൻ പോകുന്ന കുഞ്ഞുങ്ങളെ പൊന്നുപോലെ നോക്കുമെന്നും കുടുംബം ഇത് അംഗീകരിച്ചിട്ടുണ്ടെന്നും അവർ വെളിപ്പെടുത്തി. സമൂഹം മാറിയതനുസരിച്ച് ബന്ധങ്ങളും മാറിയെന്നായിരുന്നു സെഡിയുടെ മാനേജർ ഒരു മാധ്യമത്തോട് പ്രതികരിച്ചത്. 

ആഷ്​ലി പങ്കുവച്ച വിഡിയോയിൽ ഗർഭിണികൾ ബേബി ഷവർ ആഘോഷമാക്കുന്നത് കാണാം. എന്നാൽ വിഡിയോയ്‌ക്ക് താഴെ നിരവധി ആളുകളാണ് പ്രതികരണവുമായി എത്തിയത്. ഇത്ര സന്തോഷത്തോടെ അഞ്ച് ഭാര്യമർക്കൊപ്പം കഴിയുന്നത് വിശ്വസിക്കാനാകുന്നില്ലെന്നായിരുന്നു ഒരാളുടെ കമന്റ്. 

ഈ വാർത്ത കൂടി വായിക്കൂ

പാര്‍ട്ടി നേതാക്കളെ വെല്ലുവിളിച്ചു മുന്നോട്ടു പോയാല്‍ വീല്‍ച്ചെയറില്‍ പോകേണ്ടി വരും; മുഈന്‍ അലി തങ്ങള്‍ക്ക് ഫോണിലൂടെ ഭീഷണി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ