സ്റ്റോക്‌ഹോം ഭീകരാക്രമണം: മരണം നാലായി,രണ്ടുപേര്‍ അറസ്റ്റില്‍

സ്റ്റോക്‌ഹോം: സ്വീഡന്‍ തലസ്ഥാനമായ സ്‌റ്റോക്‌ഹോമില്‍ ആള്‍ക്കൂട്ടത്തിലേക്ക് ട്രക്ക് ഇടിച്ചുകയറ്റി നടത്തിയ അക്രമത്തില്‍ മരണം നാലായി. പതിനഞ്ച് പേര്‍ക്ക് പരിക്കേറ്റിട്ടുണ്ട്. അക്രമവുമായി ബന്ധപ്പെട്ട് രണ്ടുപേരെ പൊലീസ് അറസ്റ്റ് ചെയ്തു. പിടിയിലായവരില്‍ ഒരാള്‍ ഉസ്ബക്കിസ്ഥാന്‍ സ്വദേശിയാണ് എന്ന് വിവരമുണ്ട്. തിരക്കേറിയ ക്വീന്‍സ് പാര്‍ക്കിലാണ് സംഭവം നടന്നത്. നൂറോളം കാല്‍നടക്കാര്‍ ക്വീന്‍സ് പാര്‍ക്കിലൂടെ നടക്കുന്നതിനിടയിലേക്കായിരുന്നു വാഹനം ഇടിച്ചുകയറ്റിയത്.