പോര്‍ട്ട് ഓഫ് സ്‌പെയിന്‍: വെസ്റ്റിന്‍ഡീസിനെതിരായ ഒന്നാം ക്രിക്കറ്റ് ടെസ്റ്റ് ഇന്ത്യ ആദ്യം ബാറ്റ് ചെയ്യും. ടോസ് നേടി വിന്‍ഡീസ് ഇന്ത്യയെ ബാറ്റിങിനയക്കുകയായിരുന്നു. മഴയെ തുടര്‍ന്ന് മത്സരം 15 മിനുട്ടോളം വൈകിയാണ് ആരംഭിച്ചത്. ഒരോവര്‍ മത്സരം പിന്നിട്ടപ്പോള്‍ ഇന്ത്യക്ക് റണ്ണൊന്നുമില്ല.

മായങ്ക് അഗര്‍വാള്‍- കെഎല്‍ രാഹുല്‍ സഖ്യമാണ് ഇന്ത്യക്കായി ബാറ്റേന്തുന്നത്. രോഹിത് ശര്‍മ, ആര്‍ അശ്വിന്‍, കുല്‍ദീപ് യാദവ്, വൃദ്ധിമാന്‍ സാഹ, ഉമേഷ് യാദവ് എന്നിവര്‍ ടീമിലില്ല. 

വണ്‍ ഡൗണായി ചേതേശ്വര്‍ പൂജാരയും നാലാം സ്ഥാനത്ത് ക്യാപ്റ്റന്‍ വിരാട് കോഹ്‌ലിയും ഇറങ്ങും. അഞ്ചാം സ്ഥാനത്ത് അജിന്‍ക്യ രഹാനെയും ആറാം സ്ഥാനത്ത് ഹനുമ വിഹാരിയുമാണ് ബാറ്റിങിനെത്തുന്നത്. രവീന്ദ്ര ജഡേജ, ഇഷാന്ത് ശര്‍മ, മുഹമ്മദ് ഷമി, ജസ്പ്രിത് ബുമ്‌റ എന്നിവരാണ് ബൗളിങ് വിഭാഗത്തില്‍. 

നാല് പേസര്‍മാരുമായാണ് വിന്‍ഡീസ് ഇറങ്ങിയത്. ഷമര്‍ ബ്രൂക്‌സ് വിന്‍ഡീസിനായി അരങ്ങേറി.