എഡ്ജ്ബാസ്റ്റണ്‍: ട്വന്റി20 ബ്ലാസ്റ്റില്‍ ബാറ്റിങ് വെടിക്കെട്ടുമായി അയര്‍ലന്‍ഡ് താരം പോള്‍ സ്റ്റിര്‍ലിങ്. 51 പന്തില്‍ നിന്ന് 119 റണ്‍സ് ആണ് സ്റ്റിര്‍ലിങ് ബിര്‍മിങ്ഹാം ബിയേഴ്‌സിനായി അടിച്ചെടുത്തത്. 

10 സിക്‌സും 9 ഫോറും നോര്‍ത്താന്റ്‌സ് സ്റ്റീല്‍ബാക്ക്‌സിന് എതിരായ കളിയില്‍ സ്റ്റിര്‍ലിങ്ങിന്റെ ബാറ്റില്‍ നിന്ന് വന്നു. മൂന്നാം വിക്കറ്റല്‍ സാം ഹെയ്‌നൊപ്പം നിന്ന് 70 പന്തില്‍ നിന്ന് 170 റണ്‍സിന്റെ കൂട്ടുകെട്ട് ഇവര്‍ കണ്ടെത്തി. ഇന്നിങ്‌സിന്റെ 13ാം ഓവറില്‍ 34 റണ്‍സ് ആണ് സ്റ്റിര്‍ലിങ് അടിച്ചെടുത്തത്.