ഹെല്‍മറ്റ്, പാഡ്, ​ഗ്ലൗസ് ഒന്നുമില്ലാതെ ക്രീസിലേക്ക്! ബിഗ് ബാഷില്‍ ചിരി പടര്‍ത്തി ഹാരിസ് റൗഫ് (വീഡിയോ)

സിഡ്‌നി: ബിഗ് ബാഷ് ടി20 ലീഗില്‍ അമ്പരപ്പിക്കുകയും ചിരിപ്പിക്കുകയും ചെയ്ത് പാകിസ്ഥാന്‍ താരം ഹാരിസ് റൗഫ്. മെല്‍ബണ്‍ സ്റ്റാര്‍സ്- സിഡ്‌നി തണ്ടര്‍ പോരാട്ടത്തിനിടെയാണ് സംഭവങ്ങള്‍. 

മെല്‍ബണ്‍ സ്റ്റാര്‍സിന്റെ താരമായ ഹാരിസ് ഇന്നിങ്‌സിലെ അവസാന ഓവര്‍ ബാറ്റ് ചെയ്യാനെത്തിയത് ഹെല്‍മറ്റും, ഗ്ലൗ, പാഡുകള്‍ എന്നിവയൊന്നുമില്ലാതെ! ഇതിന്റെ വീഡിയോ സാമൂഹിക മാധ്യമങ്ങളില്‍ വൈറലായി മാറുകയും ചെയ്തു. 

അവസാന ഓവറിന്റെ അഞ്ചാം പന്തില്‍ മാര്‍ക് സ്റ്റെക്റ്റീ പുറത്തായതിനു പിന്നാലെയാണ് ഹാരിസ് ഇറങ്ങിയത്. ഇന്നിങ്‌സില്‍ ശേഷിക്കുന്നത് ഒരു പന്ത് മാത്രവും. അവസാന പന്ത് നേരിടേണ്ടത് ഹാരിസ് ആയിരുന്നില്ല. ലിയാം ഡോവ്‌സനായിരുന്നു. നോണ്‍ സ്‌ട്രൈക്കില്‍ നില്‍ക്കുക മാത്രമായിരുന്നു ഹാരിസിന്റെ ദൗത്യം. ഇതോടെയാണ് താരം ഹെല്‍മറ്റും ഗ്ലൗസും പാഡുമൊന്നുമില്ലാതെ താരം ഇറങ്ങിയത്. 

പിന്നീട് താരം ഹെല്‍മറ്റും ഗ്ലൗസുും ധരിച്ചു. അപ്പോഴും പാഡൊന്നും കെട്ടാന്‍ മിനക്കെട്ടില്ല. അവസാന പന്തില്‍ ഡോവ്‌സനെ പുറത്താക്കിയതിനാല്‍ താരത്തിനു ഒരു റണ്ണിനായി പോലും ഓടേണ്ടിയും വന്നില്ല.

ഈ വാര്‍ത്ത കൂടി വായിക്കൂ 

ഋതുരാജ് ഗെയ്ക്‌വാദിനു ടെസ്റ്റ് പരമ്പര നഷ്ടമാകും; അഭിമന്യു ഈശ്വരന്‍ പകരക്കാരന്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ