ഗ്രൗണ്ടില്‍ മത്സരം; സ്‌റ്റേഡിയത്തില്‍ പൊരിഞ്ഞ അടി; ഐപിഎല്ലിനിടെ തമ്മിൽത്തല്ലി ആരാധകര്‍ (വീഡിയോ)

ന്യൂഡല്‍ഹി: ഐപിഎല്ലില്‍ സണ്‍റൈസേഴ്‌സ് ഹൈദരാബാദും ഡല്‍ഹി ക്യാപിറ്റല്‍സും തമ്മിലുള്ള മത്സരത്തിനിടെ സ്റ്റേഡിയത്തില്‍ ആരാധകര്‍ തമ്മില്‍ കൂട്ടത്തല്ല്. മത്സരം പുരോഗമിക്കുന്നതിനിടെയാണ് പൊരിഞ്ഞ അടി നടന്നത്. 

ഇതിന്റെ വീഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിക്കുന്നുണ്ട്. സംഘര്‍ഷത്തിന്റെ കാരണം എന്താണെന്ന് വ്യക്തമായിട്ടില്ല. അഞ്ച്- ആറ് പേര്‍ ചേര്‍ന്നായിരുന്നു തല്ല്. 

മത്സരത്തില്‍ ഡല്‍ഹി പരാജയമേറ്റു വാങ്ങി. മികച്ച രീതിയില്‍ മുന്നേറിയ അവര്‍ അപ്രതീക്ഷിതമായി തകര്‍ന്നടിഞ്ഞാണ് പരാജയം രുചിച്ചത്. ഡല്‍ഹിയുടെ ആറാം തോല്‍വിയാണിത്. കഴിഞ്ഞ മൂന്ന് മത്സരങ്ങളും തോറ്റതിന് ശേഷമാണ് ഹൈദരാബാദ് വിജയ വഴിയിലേക്ക് തിരിച്ചെത്തിയത്. 

ഈ വാര്‍ത്ത കൂടി വായിക്കൂ  

കത്തിക്കയറി, കത്തിയെരിഞ്ഞു; ആറാം തോൽവിയിലേക്ക് വീണ് ഡൽഹി; ഹൈദരാബാദ് വിജയ വഴിയിൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ