'ഇന്ത്യയ്ക്ക് പേടി, അതുകൊണ്ടാണ് ഇങ്ങനെയൊരു മാറ്റം വരുത്തിയത്'; വിമര്‍ശനവുമായി ഗാവസ്‌കര്‍
ടീമില്‍ സ്പിന്നറും ഓള്‍റൗണ്ടറുമായ വാഷിങ്ടണ്‍ സുന്ദറിന് ഇടം ലഭിച്ചപ്പോള്‍ കുല്‍ദീപ് യാദവ് ഇലവനില്‍ നിന്നും പുറത്തായി
സുനില്‍ ഗാവസ്‌കര്‍
Edited by :amalkjoy
Last Updated :24 ഒക്ടോബർ 2024, 2:05 pm IST
ന്യൂഡല്‍ഹി: ന്യൂസിലന്‍ഡിനെതിരെയുള്ള രണ്ടാം ടെസ്റ്റില്‍ ഇന്ത്യന്‍ ടീമില്‍ കുല്‍ദീപ് യാദവിനെ ഒഴിവാക്കിയത് അത്ഭുതപ്പെടുത്തിയെന്ന് മുന്‍ താരവും കമന്റേറ്ററുമായ സുനില്‍ ഗാവസ്‌കര്‍. ബംഗളൂരുവില്‍ നടന്ന പരമ്പരയിലെ ആദ്യ മത്സരത്തില്‍ കിവീസിനോട് തോല്‍വി വഴങ്ങിയ ഇന്ത്യ ഇന്നാംരംഭിച്ച രണ്ടാം ടെസ്റ്റില്‍ മാറ്റങ്ങളോടെയാണ് ഇറങ്ങിയത്.
ടീമില്‍ സ്പിന്നറും ഓള്‍റൗണ്ടറുമായ വാഷിങ്ടണ്‍ സുന്ദറിന് ഇടം ലഭിച്ചപ്പോള്‍ കുല്‍ദീപ് യാദവ് ഇലവനില്‍ നിന്നും പുറത്തായി. ഇതിനെതിരെയാണ് ഗാവസ്‌കര്‍ രംഗത്തു വന്നത്. ടീം മാനേജുമെന്റിന്റെ ഈ തീരുമാനം പരിഭ്രാന്തിയുടെ സൂചനയാണെന്നും അദ്ദേഹം വിമര്‍ശിച്ചു.
വാഷിങ്ടണ്‍ സുന്ദറിനെ ഉള്‍പ്പെടുത്തിയത് ഇന്ത്യന്‍ ടീമിന് ബാറ്റിങ്ങില്‍ കൂടുതല്‍ ആശങ്കയുള്ളതുകൊണ്ടാണ്. വാഷിങ്ടണ്‍ സുന്ദറിന്റെ ബൗളിങ്ങിനെക്കാള്‍ താരത്തിന്റെ ബാറ്റിങ്ങ് പിന്തുണയാണ് ടീമിന് വേണ്ടതെന്നും ഗാവസ്‌കര്‍ പറഞ്ഞു. താനായിരുന്നുവെങ്കില്‍ ന്യൂസിലന്‍ഡിന്റെ ഇടംകൈയ്യന്‍ ബാറ്റര്‍മാര്‍ക്കെതിരെ കുല്‍ദീപ് യാദവിനെ തെരഞ്ഞെടുക്കുകയായിരുന്നുവെന്നും ഗാവസ്‌കര്‍ പറഞ്ഞു.
ടീമില്‍ മൂന്ന് മാറ്റങ്ങളുമായാണ് ഇന്ത്യ ഇന്നിറങ്ങിയത്. പേസര്‍ മുഹമ്മദ് സിറാജ്, ബാറ്റര്‍ കെ എല്‍ രാഹുല്‍, സ്പിന്നര്‍ കുല്‍ദീപ് യാദവ് എന്നിവരാണ് പുറത്തായത്. പരിക്കിനെ തുടര്‍ന്ന് ആദ്യ ടെസ്റ്റില്‍ കളിക്കാതിരുന്ന ശുഭ്മാന്‍ ഗില്‍ ടീമില്‍ ഇടം നേടിയപ്പോള്‍ കുല്‍ദീപിന് പകരം വാഷിങ്ടണ്‍ സുന്ദര്‍ ടീമിലെത്തി. സിറാജിന്റെ പകരക്കാരനായി ആകാശ് ദീപും ഇടം പിടിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
Related topics
News Now
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
വള്ളി നിറയെ കായ്ക്കും, പടവലം പറിച്ചു മടുക്കും; കൃഷി ചെയ്യുമ്പോള്‍ ഈ 7 കാര്യങ്ങള്‍ ശ്രദ്ധിക്കൂ
