വെറും 91 റൺസിന് ഓൾ ഔട്ട്!- ഇതിനാണോ 13,207 കിലോമീറ്റർ സഞ്ചരിച്ചത്? പാകിസ്ഥാൻ ടീമിന് ട്രോൾ പൂരം
ന്യൂസിലന്‍ഡിനെതിരായ ഒന്നാം ടി20യില്‍ നാണംകെട്ട തോല്‍വി ഏറ്റുവാങ്ങി പാകിസ്ഥാന്
പാകിസ്ഥാൻ ടീംഎക്സ്
Edited by :renjith.k
Last Updated :16 മാർച്ച് 2025, 9:23 pm IST
ക്രൈസ്റ്റ്ചര്‍ച്ച്: സ്വന്തം നാട്ടില്‍ നടന്ന ചാംപ്യന്‍സ് ട്രോഫി പോരാട്ടത്തില്‍ ഒരു വിജയം പോലുമില്ലാതെ പുറത്തായി നാണംകെട്ട പാകിസ്ഥാന് ന്യൂസിലന്‍ഡിലും ദയനീയ തോല്‍വി. ന്യൂസിലന്‍ഡ് പര്യടനത്തിനെത്തിയ അവര്‍ ആദ്യ ടി20യില്‍ 100 റണ്‍സ് പോലും എടുക്കാന്‍ സാധിക്കാതെ പുറത്തായി. ടീം അടിമുടി മാറ്റിയാണ് പാക് സംഘം പര്യടനത്തിനെത്തിയത്. എന്നാല്‍ ഫലം മാത്രം മാറിയില്ല. പിന്നാലെ പാക് ടീമിന് സമൂഹ മാധ്യമങ്ങളില്‍ ട്രോള്‍ മഴയാണ്.
13,000 ത്തിനു മുകളില്‍ കിലോമീറ്റര്‍ സഞ്ചരിച്ചെത്തി നാണംകെട്ട തോല്‍വി ഏറ്റുവാങ്ങിയെന്ന ട്രോളാണ് ടീമിനെതിരെ ഉയരുന്നത്. മത്സരത്തില്‍ ആദ്യം ബാറ്റ് ചെയ്ത പാകിസ്ഥാന് വെറും 18.4 ഓവറില്‍ വെറും 91 റണ്‍സില്‍ ഓള്‍ ഔട്ടായി. കിവികള്‍ 10. 1 ഓവറില്‍ ഒരു വിക്കറ്റ് മാത്രം നഷ്ടത്തില്‍ അനായാസം വിജയം സ്വന്തമാക്കി.
ഒരു ഘട്ടത്തില്‍ 2.2 ഓവറില്‍ 1 റണ്ണിനു 3 വിക്കറ്റ് നഷ്ടപ്പെട്ട നിലയിലായിരുന്നു പാകിസ്ഥാന്. ഇതാണോ ടീമിന്റെ ഭയരഹിത ക്രിക്കറ്റ് എന്ന ചോദ്യമാണ് ആരാധകര്‍ പരിഹാസത്തോടെ ചോദിക്കുന്നത്. 91 റണ്‍സെടുക്കാനാണോ 13,000ത്തിനു മുകളില്‍ കിലോമീറ്റര്‍ സഞ്ചരിച്ച് ടീം വന്നതെന്ന പരിഹാസവും ആരാധകര്‍ ഉയര്‍ത്തുന്നു.
മത്സരത്തില്‍ മൂന്ന് പാക് താരങ്ങള്‍ മാത്രമാണ് രണ്ടക്കം കടന്നത്. 32 റണ്‍സെടുത്ത ഖുഷ്ദില്‍ ഷായുടെ ചെറുത്തു നില്‍പ്പാണ് ഈ നിലയ്‌ക്കെങ്കിലും സ്‌കോര്‍ എത്തിയത്. ക്യാപ്റ്റന്‍ സല്‍മാന്‍ ആഘ 18 റണ്‍സെടുത്തു. ജഹന്‍ദാദ് ഖാന്‍ 17 റണ്‍സ് ഖണ്ടെത്തി.
4 ഓവറില്‍ 8 റണ്‍സ് മാത്രം വഴങ്ങി 3 വിക്കറ്റെടുത്ത കെയ്ല്‍ ജാമിസന്‍, 3.4 ഓവറില്‍ 14 റണ്‍സ് മാത്രം വഴങ്ങി 4 വിക്കറ്റ് സ്വന്തമാക്കിയ ജേക്കബ് ഡഫി എന്നിവരുടെ മാരക ബൗളിങാണ് പാക് നിരയെ തകര്‍ത്തത്. ഇഷ് സോധി രണ്ട് വിക്കറ്റെടുത്തു. ശേഷിച്ച ഒരു വിക്കറ്റ് സാക്രി ഫോല്‍ക്‌സ് ഒരു വിക്കറ്റും വീഴ്ത്തി.
മറുപടി നല്‍കിയ കിവികള്‍ക്കായി ഓപ്പണര്‍ ടിം സിഫെര്‍ട് 29 പന്തില്‍ 44 റണ്‍സെടുത്തു അടിത്തറയിട്ടു മടങ്ങി. സഹ ഓപ്പണര്‍ ഫിന്‍ അല്ലന്‍ 17 പന്തില്‍ 29 റണ്‍സെടുത്തും ടിം റോബിന്‍സന്‍ 15 പന്തില്‍ 18 റണ്‍സെടുത്തും പുറത്താകാതെ നിന്നു ജയമുറപ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
Related topics
News Now
പുറത്ത് മുള്ളുകൾ, ഉള്ളിൽ ഗുണങ്ങൾ; ഡ്രാഗൺ ഫ്രൂട്ട് കഴിച്ചാൽ ശരീരത്തിന് എന്ത് സംഭവിക്കും?
വന്യജീവി വരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നു വീണു: മൂന്ന് പൊലീസുകാർ ഉൾപ്പെടെ നാല് പേർക്ക് പരിക്ക്
'വിജയ് പറഞ്ഞത് കേട്ട് ഞാന്‍ കരഞ്ഞു, അവന് എന്നെ ഇഷ്ടമല്ലെന്ന് കരുതി'; തുറന്നു പറഞ്ഞ് രശ്മിക മന്ദാന
യാത്രാനിരക്കില്‍ പതിനായിരം രൂപ വരെ വര്‍ധന; ടിക്കറ്റ് ചാര്‍ജ് കുത്തനെ കൂട്ടി ഇന്‍ഡിഗോ
