ഗുസ്തിയില്‍ സെമിയില്‍ കടന്ന്  രവി ദാഹിയയും ദീപക് പൂനിയയും; അന്‍ഷു മാലിക് ആദ്യ റൗണ്ടില്‍ പുറത്ത്‌

ടോക്യോ: വനിതാ ഗുസ്തിയില്‍ ഇന്ത്യയുടെ അന്‍ഷു മാലിക്ക് പുറത്ത്. ബെലാറസ് താരം 8-2നാണ് അന്‍ഷുവിനെ ആദ്യ റൗണ്ടില്‍ തോല്‍പ്പിച്ചത്. 

അന്‍ഷു മാലിക്കിന് ആദ്യ റൗണ്ടില്‍ തോല്‍വി നേരിട്ടപ്പോള്‍ രവി ദാഹിയയും ദീപക് പൂനിയയും സെമിയില്‍ കടന്നു. കൊളംബിയയുടെ ഒസ്‌കര്‍ എഡ്വാര്‍ഡോയിനെ 13-2ന് തോല്‍പ്പിച്ചാണ് രവി ദാഹിയ സെമിയില്‍ കടന്നത്. സെമിയില്‍ ജയിച്ചാല്‍ മെഡല്‍ ഉറപ്പിക്കാം. തോറ്റാല്‍ വെങ്കലത്തിനായി വീണ്ടും മത്സരം. 

സെമിയില്‍ ബള്‍ഗേറിയയുടെ വലെന്റിനോവാണ് രവി ദാഹിയുടെ എതിരാളി. നൈജീരിയന്‍ താരത്തെ തോല്‍പ്പിച്ചാണ് ദീപക് പൂനിയ സെമി ഉറപ്പിച്ചത്. ചൈനയുടെ ലിന്‍ സുഷെനാണ് സെമിയില്‍ ദീപക്കിന്റെ എതിരാളി.