പ്രതിരോധക്കാരെ വെട്ടിച്ച് പന്തുമായി കുതിപ്പ്, കോർണർ കിക്ക്; സഞ്ജുവിന് ഫുട്ബോളിലും നല്ല പിടിയുണ്ട്! (വീഡിയോ)

തിരുവനന്തപുരം: കരിയറിലെ ആദ്യ അന്താരാഷ്ട്ര ഏകദിന സെഞ്ച്വറി ദക്ഷിണാഫ്രിക്കക്കെതിരെ നേടിയതിന്റെ ആത്മവിശ്വാസത്തിൽ നിൽക്കുകയാണ് സഞ്ജു സാംസൺ. ഇപ്പോൾ സഞ്ജുവിന്റെ ഫുട്ബോൾ വീഡിയോ വൈറലായി മാറിയിരിക്കുകയാണ്. സെവൻസ് ഫുട്ബോൾ കളിക്കുന്ന വീഡിയോയാണ് ശ്രദ്ധേയമായത്. 

പ്രതിരോധ താരങ്ങളെ മറികടന്നു മുന്നേറുന്ന സഞ്ജുവിനെ വീഡിയോയിൽ കാണാം. പിന്നീട് കോർണർ കിക്കെടുക്കുന്നതും ദൃശ്യങ്ങളിലുണ്ട്. പ്രാദേശികമായ ഒരു ടൂർണമെന്റാണ് താരം കളിക്കുന്നതെന്നു വ്യക്തം. എന്നു പകർത്തിയ വീഡിയോയാണെന്നു വ്യക്തതയില്ല. 

താരം രഞ്ജി പോരാട്ടത്തിന്റെ ഒരുക്കത്തിലാണ്. ജനുവരി അഞ്ച് മുതലാണ് കേരളത്തിന്റെ ആദ്യ പോരാട്ടം. ആലപ്പുഴയിൽ നടക്കുന്ന പോരിൽ ഉത്തർ പ്രദേശാണ് കേരളത്തിന്റെ എതിരാളികൾ. കേരളത്തിന്റെ ക്യാപ്റ്റനാണ് സഞ്ജു.

ഈ വാര്‍ത്ത കൂടി വായിക്കൂ 

'ക്യാപ്റ്റൻ സാന്റ്നറുടെ ഓള്‍ റൗണ്ട് ഷോ'- പരമ്പര നഷ്ടം ഒഴിവാക്കി കിവികൾ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ