കെ എല്‍ രാഹുലിന് പകരം സഞ്ജു സാംസണ്‍; വിന്‍ഡിസിന് എതിരായ ട്വന്റി20 ടീമില്‍ ഉള്‍പ്പെടുത്തി 

ട്രിനിഡാഡ്: മലയാളി താരവും രാജസ്ഥാന്‍ റോയല്‍സ് ക്യാപ്റ്റനുമായ സഞ്ജു സാംസണ്‍ വിന്‍ഡീസിനെതിരായ ഇന്ത്യയുടെ ട്വന്റി20 ടീമില്‍. കെ എല്‍ രാഹുലിന് പകരമാണ് സഞ്ജുവിനെ ടീമില്‍ ഉള്‍പ്പെടുത്തിയിരിക്കുന്നത്. 

പരിക്കിന് ശേഷം ഫിറ്റ്‌നസ് വീണ്ടെടുത്തെങ്കിലും കോവിഡ് പോസിറ്റീവായതോടെയാണ് രാഹുലിന് വിന്‍ഡിസിന് എതിരായ ട്വന്റി20 പരമ്പരയും നഷ്ടമായത്. കോവിഡ് നെഗറ്റീവായെങ്കിലും രാഹുലിന് ബിസിസിഐ മെഡിക്കല്‍ സംഘം ഒരാഴ്ചത്തെ വിശ്രമം നിര്‍ദേശിച്ചു. 

നേരത്തെ വിന്‍ഡീസ് പര്യടനത്തിലെ ഏകദിന ടീമില്‍ മാത്രമാണ് സഞ്ജു ഉള്‍പ്പെട്ടിരുന്നത്. ട്വന്റി20 ടീമില്‍ സഞ്ജുവിനെ ഉള്‍പ്പെടുത്താതിരുന്നതിന് എതിരെ വലിയ വിമര്‍ശനം ഉയര്‍ന്നിരുന്നു. വിന്‍ഡിസിന് എതിരായ മൂന്ന് ഏകദിനത്തിലും സഞ്ജു പ്ലേയിങ് ഇലവനില്‍ ഇടം നേടി. രണ്ടാം ഏകദിനത്തില്‍ അര്‍ധ ശതകം കണ്ടെത്തിയെങ്കിലും റണ്‍ഔട്ട് ആയി മടങ്ങി. 

അഞ്ച് ട്വന്റി20യുടെ പരമ്പരയാണ് ഇന്ത്യ വെസ്റ്റ് ഇന്‍ഡീസിന് എതിരെ കളിക്കുന്നത്. ഇതില്‍ സഞ്ജു പ്ലേയിങ് ഇലവനില്‍ ഇടം നേടാനുള്ള സാധ്യത കൂടുതലാണ്. നിലവില്‍ കോഹ് ലിയുടെ അഭാവത്തില്‍ ശ്രേയസ് മൂന്നാം സ്ഥാനത്ത് കളിക്കാനാണ് സാധ്യത.

ഈ വാര്‍ത്ത കൂടി വായിക്കൂ

കോമണ്‍വെല്‍ത്ത് ഗെയിംസിലെ ആദ്യ വനിതാ ട്വന്റി20 പോര്; ഓസ്‌ട്രേലിയയെ പിടിച്ചുകെട്ടാന്‍ ഇന്ത്യ ഇന്നിറങ്ങും

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ