കേരള ക്രിക്കറ്റ് ലീഗില്‍ ടീമിനെ വാങ്ങി പ്രിയദര്‍ശനും സോഹന്‍ റോയും; താരലേലം അടുത്ത മാസം
കാര്യവട്ടം ഗ്രീന്‍ഫീല്‍ഡ് അന്താരാഷ്ട്ര സ്റ്റേഡിയത്തില്‍ വച്ച് സെപ്റ്റംബര്‍ രണ്ടിനാണ് ഉദ്ഘാടന മത്സരം.
കെസിഎ പ്രസിഡന്റ് ജയേഷ് ജോര്‍ജ്, സെക്രട്ടറി വിനോദ് എസ് കുമാര്‍, ഗവേണിംഗ് കൗണ്‍സില്‍ ചെയര്‍മാന്‍ നസീര്‍ എന്നിവര്‍ ലീഗില്‍ ഫ്രാഞ്ചൈസി നേടിയ ജോസ് പട്ടാരയുമായി സംസാരിക്കുന്നുഎക്‌സ്പ്രസ്‌
Edited by :Sujith
Last Updated :19 ജൂലൈ 2024, 10:34 am IST
തിരുവനന്തപുരം: കേരള ക്രിക്കറ്റ് അസോസിയേഷന്റെ ടി20 കേരള ക്രിക്കറ്റ് ലീഗില്‍ സംവിധായകരായ പ്രിയദര്‍ശനും സോഹന്‍ റോയിക്കും ടീമുകള്‍. ഇന്നലെ നടന്ന കെസിഎല്‍ ഫ്രാഞ്ചൈസി ലേലത്തിലാണ് ഇരുവരും ടീമുകളെ സ്വന്തമാക്കിയത്. ആകെ ആറ് ടീമുകളാണ് കെസിഎല്ലില്‍ മത്സരിക്കുക. ടെന്‍ഡര്‍ നടപടി ക്രമങ്ങളിലൂടെയാണ് ആറ് ടീമുകളുടെ ഉടമസ്ഥാവകാശം ലഭിച്ച ഫ്രാഞ്ചൈസികളെ തെരഞ്ഞെടുത്തത്.
പ്രിയദര്‍ശന്‍ - ജോസ് പട്ടാറ കണ്‍സോര്‍ഷ്യം, സോഹന്‍ റോയ് (ഏരീസ് ഗ്രൂപ്പ്), സജാദ് സേഠ് (ഫൈനസ് കണ്‍സോര്‍ഷ്യം), ടിഎസ് കലാധരന്‍ (കണ്‍സോള്‍ ഷിപ്പിങ് സര്‍വീസ് ഇന്ത്യ പ്രൈവറ്റ് ലിമിറ്റഡ്), സുഭാഷ് ജോര്‍ജ് മാനുവല്‍ (എനിഗ്മാറ്റിക് സ്മൈല്‍ റിവാര്‍ഡ്സ് പ്രൈവറ്റ് ലിമിറ്റഡ്), സഞ്ജു മുഹമ്മദ് (ഇകെകെ ഇന്‍ഫ്രാസ്ട്രക്ചര്‍ ലിമിറ്റഡ്) എന്നിവരാണ് ടീമുകളെ സ്വന്തമാക്കിയത്.
13 പേരാണ് ഫ്രാഞ്ചൈസിക്കായി അപേക്ഷ നല്‍കിയത്. ഒരു കോടി മുതല്‍ രണ്ടരക്കോടി രൂപവരെയായിരുന്നു ടീമുകള്‍ക്കായി മുടക്കാവുന്നത്. താരലേലം അടുത്തമാസം നടക്കും. കേരളത്തില്‍ രജിസ്റ്റര്‍ ചെയ്ത താരങ്ങള്‍ക്കാണ് ലേലത്തില്‍ പങ്കെടുക്കാന്‍ അവസരമുണ്ടാവുക. ഒരു ടീമില്‍ 16 കളിക്കാര്‍വരെ ഉണ്ടാകും. കാര്യവട്ടം ഗ്രീന്‍ഫീല്‍ഡ് അന്താരാഷ്ട്ര സ്റ്റേഡിയത്തില്‍ വച്ചായിരിക്കും മത്സരങ്ങള്‍ നടക്കുക. സെപ്റ്റംബര്‍ രണ്ടിനാണ് ഉദ്ഘാടന മത്സരം.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
പത്തൊന്‍പത് ദിവസം നീണ്ടുനില്‍ക്കുന്ന ടൂര്‍ണമെന്റില്‍ ആകെ 33 മത്സരങ്ങളായിരിക്കും ഉണ്ടാകുക. മത്സരം സ്റ്റാര്‍ സ്‌പോര്‍ട്സ് സംപ്രേഷണം ചെയ്യും. കെസിഎ പ്രസിഡന്റ് ജയേഷ് ജോര്‍ജ്, സെക്രട്ടറി വിനോദ് എസ്. കുമാര്‍, ഫ്രാഞ്ചൈസി ലീഗ് ടൂര്‍ണമെന്റ് ഗവേണിങ് കൗണ്‍സില്‍ ചെയര്‍മാന്‍ നാസിര്‍ മച്ചാന്‍, അംഗം പിജെ നവാസ് എന്നിവര്‍ പത്രസമ്മേളനത്തില്‍ പങ്കെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
യാത്രാനിരക്കില്‍ പതിനായിരം രൂപ വരെ വര്‍ധന; ടിക്കറ്റ് ചാര്‍ജ് കുത്തനെ കൂട്ടി ഇന്‍ഡിഗോ
'വയ്യ, ക്രിക്കറ്റ് മടുത്തു'... 500 വിക്കറ്റുള്ള ഇംഗ്ലീഷ് പേസർ വിരമിച്ചു!
ഉണക്കമീൻ വിറ്റിരുന്ന സാംസങ് മുതൽ ട്രാക്ടർ വിറ്റിരുന്ന ലാംബോർഗിനി വരെ; വമ്പൻ ബ്രാൻഡുകളുടെ തുടക്കം
മുന്നറിയിപ്പില്‍ വീണ്ടും മാറ്റം; പത്ത് ജില്ലകളില്‍ യെല്ലോ അലര്‍ട്ട്; 50 കിലോമീറ്റര്‍ വേഗതയില്‍ ശക്തമായ കാറ്റിനും സാധ്യത
